Abortion Pills: నేరుగా మెడికల్ కి వెళ్లి అబార్షన్ పిల్స్ తెచ్చుకొని మరీ అబార్షన్ చేసుకుంటున్నారు కొందరు. ఇలాంటి వాటి వల్ల ఆరోగ్యసమస్యలు ఎక్కువ వస్తాయి అంటున్నారు నిపుణులు. అయితే కొన్ని దేశాల్లో దీన్ని నేరంగా పరిగణించారు. అయితే నేరుగా కొనుగోలు చేసిన టాబ్లెట్ల నాణ్యత, వాటి సామర్థ్యం వంటివి సరిగ్గా ఉండకపోవచ్చు. దీని వల్ల మహిళలకు గర్భస్రావం వంటి సమస్యలు వస్తాయి. ఇష్టానుసారంగా ఈ మాత్రలు వాడడం వల్ల వైద్య పరంగా తీసుకోవాల్సిన జాగ్రత్తలు కూడా వారికి తెలియకపోవచ్చు.
ఈ మాత్రల వల్ల కలిగే దుష్ర్పభావాల గురించి తెలియక వైద్య చికిత్సను తీసుకోవాలి అనుకోరు. దీని వల్ల మరింత ప్రమాదం సంభవిస్తుంది. మీరు కాకుండా వైద్యుడు అబార్షన్ చేస్తే.. పిండంలోని అన్ని భాగాలను తొలగించి ఎలాంటి హానీ కలగకుండా చూస్తాడు. కానీ ఫార్మసీల నుంచి నేరుగా మాత్రలు తెచ్చుకోవడం వల్ల ఇలాంటివి జరగడం లేదు. అయితే పిండం కణజాలం గర్భాశయం లోపలికి జోడించి ఉంటుంది. దీని వల్ల రక్తస్రావం, సంక్రమణకు కారణం అయ్యే అవకాశాలు ఎక్కువగా ఉంటాయి.
చాలా దేశాల్లో అబార్షన్ చేసుకోవడం చట్టవిరుద్దం. అనుమతించిన దేశాలలో కూడా మందులను నేరుగా కొనడం చట్టవిరుద్దం. లైసెన్స్ పొందిన ప్రసూతి వైద్యుడి నుంచి అబార్షన్ చికిత్స సురక్షితమైనది అని గుర్తు పెట్టుకోండి. అంతేకాదు మహిళలకు మానసిక కౌన్సిలింగ్ కూడా అందుతుంది. అయితే మీరు కొనుక్కొని వేసుకునే మాత్రలు సులభమైన పరిష్కారం ఇచ్చినా.. వాటితో వచ్చే భద్రతా లోపాల గురించి జాగ్రత్త పడాల్సిందే. అందుకే వైద్యుల చికిత్స అవసరం.
అబార్షన్ చేసుకోవడమే చట్టవిరుద్దం. అలాంటిది ప్రాణాలను పనంగా పెట్టి ఇంట్లోనే మాత్రల ద్వారా అబార్షన్ చేసుకోవడం మంచిది కాదు. కాబట్టి ముందుగా మీ సమస్య తెలుసుకొని డాక్టర్ ను సంప్రదించండి. లేదంటే మీరు అనారోగ్యపాలయ్యే అవకాశాలు ఎక్కువగా ఉంటాయి అని తెలుసుకోండి.