F4 Movie: 2019 సంక్రాంతి విన్నర్ ఎఫ్2 ఫ్రాంచైజ్ లో వచ్చిన ఎఫ్3 సైతం హిట్ టాక్ సొంతం చేసుకుంది. ఈ క్రమంలో ఎఫ్4 కూడా ఉంటుందంటూ మేకర్స్ ప్రకటించారు. నిర్మాత దిల్ రాజుకు కాసులు కురిపిస్తున్న ఈ ఎఫ్2 సిరీస్ వదిలే ఆలోచనలో ఆయన లేడు. ఈ ఫ్రాంచైజ్ లో వరుసగా చిత్రాలు వస్తాయని తెలియజేశారు. ఎఫ్2 సీక్వెల్ ఎఫ్3 దాదాపు సేమ్ క్యాస్ట్ తో తెరకెక్కింది. వెంకీ-వరుణ్ లు హీరోగా నటించారు. వారికి జంటగా తమన్నా-మెహ్రీన్ లను మరలా తీసుకోవడం జరిగింది. రాజేంద్ర ప్రసాద్, ప్రగతి, అన్నపూర్ణ, రఘుబాబు వంటి నటులను కంటిన్యూ చేశారు. కొత్తగా సునీల్, సోనాల్ చౌహన్ ఎంట్రీ ఇవ్వడం జరిగింది.
Anil ravipudi
కాగా ఎఫ్4 మూవీ ఉన్నప్పటికీ ఆలస్యం అవుతుందని తెలుస్తుంది. అనిల్ రావిపూడి నెక్స్ట్ బాలకృష్ణ ప్రాజెక్ట్ చేయాల్సి ఉంది. ప్రీ ప్రొడక్షన్ జరుపుకుంటున్న ఈ మూవీ రెండు మూడు నెలల్లో సెట్స్ పైకి వెళ్లే అవకాశం కలదు. బాలకృష్ణ మూవీ అనంతరం దిల్ రాజు నిర్మాతగా మరో చిత్రం చేస్తారు. ఈ రెండు ప్రాజెక్ట్స్ పూర్తయ్యాక ఎఫ్4 కి సన్నాహాలు మొదలవుతాయి. అంటే మరో రెండేళ్ల సమయం పడుతుంది. ఈ క్రమంలో అనిల్ రావిపూడి ఆసక్తికర వ్యాఖ్యలు చేశారు.
Also Read: Samantha Costly Car: బాప్ రే.. సమంత రేంజ్ ఇంత ఉందా? కాస్ట్లీ కారు చూస్తే అవాక్కే!
ఎఫ్4 నటీనటుల విషయంలో చాలా మార్పులు జరిగే అవకాశం కలదని వెల్లడించారు. ఎఫ్4 చిత్రం సెట్స్ పైకి వెళ్ళడానికి చాలా సమయం ఉంది. కాబట్టి ఈ మధ్యలో ఏదైనా జరగొచ్చు. ఎఫ్4 క్యాస్ట్ విషయంలో కూడా మార్పులు ఉంటాయి. హీరోలుగా వెంకటేష్-వరుణ్ లు మాత్రమే ఉంటారు. అయితే హీరోయిన్స్ మారొచ్చని అనిల్ రావిపూడి తెలియజేశారు. ఆయన మాటల్ని బట్టి, తమన్నా, మెహ్రీన్ లను కొనసాగించే ఆలోచన లేనట్లు తెలుస్తుంది. ఇదే నిజమైతే ఓ సక్సెస్ఫుల్ సిరీస్ ని వారిద్దరూ కోల్పోయినట్లే అని చెప్పాలి.
Anil ravipudi
ఎఫ్3 మూవీ విషయంలో తమన్నా- అనిల్ రావిపూడికి మధ్య మనస్పర్థలు వచ్చాయనే టాక్ నడిచింది. దానికి తోడు రెండేళ్ల తర్వాత అప్పుడు ఫార్మ్ లో, ఫేమ్ లో ఉన్న హీరోయిన్స్ ని తీసుకుందామనే ఆలోచన కూడా అయ్యుండొచ్చు. గ్లామర్ విషయంలో ప్రేక్షకులు అసలు కాంప్రమైజ్ కారు. కాబట్టి ఎఫ్4 కోసం కొత్త హీరోయిన్స్ తీసుకోవడం మంచిదన్న ఆలోచన అనిల్ రావిపూడి చేసి ఉంటారు. అయితే వెంకీ-వరుణ్ లతో పాటు రాజేంద్ర ప్రసాద్ ని కొనసాగించే అవకాశం కలదు. అనిల్ రావిపూడి కి రాజేంద్ర ప్రసాద్ అత్యంత సన్నిహితుడు కావడమే దీనికి కారణం.
Recommended Videos