Bheemla Nayak: పలు సీన్లను రీ షూట్ చేయనున్న… భీమ్లా నాయక్ టీమ్
Written By:
Raghava Rao Gara , Updated On : November 1, 2021 / 08:50 PM IST
Follow us on
Bheemla Nayak: పవర్ స్టార్ పవన్ కళ్యాణ్, దగ్గుబాటి రానా కలిసి నటిస్తున్న చిత్రం ‘భీమ్లా నాయక్’. సాగర్ కె చంద్ర దర్శకత్వంలో తెరకెక్కిస్తున్న ఈ సినిమాకి … తమన్ సంగీతం అందిస్తున్నారు. మలయాళంలో సూపర్ హిట్ గా నిలిచిన ‘అయ్యప్పనుమ్ కోశియుమ్’ సినిమాకి రీమేక్ గా ఈ మూవీని నిర్మిస్తున్నారు. ఇప్పటికే ఈ సినిమా నుంచి విడుదలైన పవన్ కళ్యాణ్, రానా క్యారెక్టర్లు ప్రోమో లు , పాటలకు అదిరిపోయే రెస్పాన్స్ వచ్చింది. కాగా ఈ సినిమాలో వీరిద్దరి మధ్య కొన్ని యాక్షన్ సీన్లు ఉంటాయి. మలయాళం వెర్షన్ లో అయితే ఈ సన్నివేశాలే సినిమాకి హైలైట్ గా నిలిచాయి.
తెలుగులో కూడా అదే రేంజ్ లో చిత్రీకరిస్తున్నారు. కథలో భాగంగా పవన్ కళ్యాణ్ ఇంటిని రానా కూల్చేస్తాడు. ఇప్పటికే దీనికి సంబంధించిన షూటింగ్ అయిపోయింది. కానీ ఆ సన్నివేశాల ఔట్ పుట్ పట్ల మూవీ యూనిట్ సంతృప్తిగా లేరని సమాచారం. దీంతో ఇప్పుడు మరోసారి సదరు సన్నివేశాలను రీషూట్ చేస్తున్నారు. ఇదంతా కూడా త్రివిక్రమ్ దర్శకత్వ పర్యవేక్షణలో జరుగుతుందని తెలుస్తోంది. ఈ సినిమాలో పవన్ కి భార్యగా నిత్యామీనన్ నటిస్తుండగా… రానా భార్య పాత్రలో సంయుక్త మీనన్ కనిపించనుంది.
వచ్చే ఏడాది సంక్రాంతి కానుకగా ఈ సినిమాను రిలీజ్ చేస్తామని చెబుతున్నారు. మరి ఆ డేట్ కి సినిమాను విడుదల చేస్తారో.. లేక ‘ఆర్ఆర్ఆర్’ వస్తుందని వెనక్కి తగ్గుతారో చూడాలి. దీపావళి సందర్భంగా చిత్ర యూనిట్ పవన్ కళ్యాణ్, రానా కలిసి ఉండే టీజర్ ను విడుదల చేసే ఆలోచనలో ఉన్నట్లు సమాచారం.
Raghava Rao Gara is an Editor, He is Working from Past 2 Years in this Organization, He Covers News on Telugu Cinema Updates and Looks after the overall Content Management.