చిత్రవిచిత్రమైన కథలను ఎంచుకుంటూ ప్రేక్షకులకు వినోదాన్ని పంచి సూపర్ హిట్లు అందుకునే కోలీవుడ్ స్టార్ హీరో సూర్య తాజాగా నటించిన చిత్రం ‘ఆకాశం నీ హద్దురా’. తమిళంలో ‘సురారై పొట్రు’ అనే చిత్రాన్ని తెలుగులో రిలీజ్ చేస్తున్నారు. సుధా కొంగర ఈ చిత్రానికి దర్శకత్వం వహించారు.
ఎయిర్ డెక్కన్ వ్యవస్థాపకుడు ‘కెప్టెన్ గోపీనాథ్’ జీవితంలో జరిగిన యాథార్థ సంఘటనల ఆధారంగా ఈ సినిమా రూపొందింది.
కరోనా కారణంగా థియేటర్స్ మూతపడి ఉండడంతో ఈ సినిమాను ఓటీటీలో రిలీజ్ చేస్తున్నారు. అమెజాన్ ప్రైమ్ లో అక్టోబర్ 30న ఈ సినిమా రిలీజ్ అవుతోంది.
తాజాగా చిత్రం ట్రైలర్ విడుదలైంది. సూర్య ఈ చిత్రంలో గోపీనాథ్ పాత్రలో సామాన్యులకు విమాన ప్రయాణం ఎలా చేరువ చేశాడన్నది ప్రధాన కథ. వ్యవసాయం చేసే వాడిని విమానం ఎక్కిస్తాను అన్న సూర్య డైలాగ్ ను బట్టి ఇది సామాన్యులకు విమాన ప్రయాణం ఎలా చేరువ చేయడానికి హీరో సంకల్పించాడు.. ఆ కష్టాలు ట్రైలర్ లో కనిపించాయి. తీవ్ర ఒడిదుడుకులు ఎదుర్కొని సూర్య ఎలా సక్సెస్ సాధించాడన్నది అసలు కథ.
ఈ ట్రైలర్ చూస్తే సూర్య మరోసారి మెస్మరైజ్ చేస్తున్నాడని అర్థమవుతోంది. సూర్యకు జోడిగా అపర్ణ బాలమురళి హీరోయిన్ గా నటించింది. జీవీ ప్రకాష్ సంగీతం అందించారు. ఈ సినిమాలో మోహన్ బాబు, జాకీ ష్రాఫ్, పరేశ్ రావల్, ఉర్వశి కీలక పాత్రలు పోషించారు. సూర్య, గునీత్ మోంగా నిర్మించారు. నవంబర్ 12న ఈ చిత్రం అమేజాన్ ప్రైమ్ లో రిలీజ్ చేస్తున్నారు.
ట్రైలర్ ఇదీ
