YCP MLAs: ఆ అమ్మాయిలతో అశ్లీల నృత్యాలు.. ఎంజాయ్ చేసిన వైసిపి ఎమ్మెల్యేలు

YCP MLAs: ఏపీలో అధికార వైసీపీ నేతల ఆగడాలకు హద్దే లేకుండా పోతుంది. వారిదే రాజ్యం అన్నట్టు పరిస్థితి మారిపోయింది. వారింట్లో ఫంక్షన్లు, పుట్టినరోజు వేడుకలు,శుభకార్యాలు జరిగితే సామాన్యులకు చుక్కలు చూపిస్తున్నారు. రోడ్లను బ్లాక్ చేసి విందులు, వినోదాలతో తెగ ఎంజాయ్ చేస్తున్నారు. జనాలకు మాత్రం తీవ్ర అసౌకర్యానికి గురి చేస్తున్నారు. ఇదేమని ప్రశ్నిస్తే దిక్కున్న చోట చెప్పుకోండి అని హెచ్చరిస్తున్నారు.

ప్రకాశం జిల్లా దర్శి లో బుధవారం రాత్రి స్థానికులు పడిన ఇబ్బందులు అన్ని ఇన్ని కావు. పట్టణంలోని ఓ ప్రధాన మార్గాన్ని మూసివేసి వైసీపీ నేతలు తమ దాష్టికాన్ని ప్రదర్శించారు. 12 మంది యువతులతో రికార్డింగ్ డాన్స్ లు ఏర్పాటు చేశారు. వైసీపీ నేతలు కూడా వారితో రెచ్చిపోయి డ్యాన్సులు చేశారు. స్థానిక ఎమ్మెల్యే మద్దిశెట్టి వేణుగోపాల్ పుట్టినరోజు వేడుకలు సందర్భంగా వీటిని ఏర్పాటు చేసినట్లు తెలుస్తోంది. వేదికపై ఏకంగా ఎమ్మెల్యే వేణుగోపాల్ తో పాటు సోదరుడు శ్రీధర్ ఉండడం విమర్శలకు తావిచ్చింది. ఎమ్మెల్యే తీరుపై స్థానికులు ఆగ్రహం వ్యక్తం చేశారు.

అటు బాపట్లలో కూడా సేమ్ సీన్ రిపీట్ అయింది. సూర్యలంక రోడ్డు లోని కాకుమాను వారి పాలెం వద్ద నడిరోడ్డుపై యువతులు డ్యాన్సులతో హోరెత్తించారు. ఎమ్మెల్యే రఘుపతి పుట్టినరోజు సందర్భంగా ప్రధాన కూడలిలో శిబిరాన్ని ఏర్పాటు చేయడంతో ట్రాఫిక్ నిలిచిపోయింది. భారీ వేదిక ఏర్పాటు చేయడంతో ప్రజలు ఇబ్బంది పడ్డారు. అటు అశ్లీల నృత్యాలు కనిపిస్తున్నా పోలీసులు నియంత్రించలేని పరిస్థితి. పది రోజుల క్రితం ఎమ్మెల్యే సోదరుడు పుట్టినరోజు వేడుకల్లో కూడా ఇదేవిధంగా గలాటా చేశారు. దీంతో బాపట్ల ప్రజలు వైసీపీ నేతల తీరుపై ఆగ్రహం వ్యక్తం చేస్తున్నారు.