Trisha: అందరిది ఒకదారి అయితే ఈ ఇద్దరు హీరోయిన్స్ ది ఒక దారి. మేమే వేరు.. మా రూటూ సపరేటు అంటూ ఇతర హీరోయిన్స్ కు ఆదర్శంగా నిలుస్తున్నారు. ఇంతకీ వారు ఎవరు అనుకుంటున్నారా. అదేనండి త్రిష, అనుష్కలు. వీరిద్దరు కూడా మిగతా హీరోయిన్స్ మాదిరి ఆలోచించకుండా.. ఫ్యాన్ ఇండియా, బాలీవుడ్ లు అంటూ ఆరాట పడకుండా సౌత్ ఇండియాకు మాత్రమే పరిమితం అయిపోతున్నారు. ఆఫర్లు వస్తే చేస్తారు కానీ బాలీవుడ్, పాన్ ఇండియాపై పెద్దగా ఆసక్తి చూపించడం లేదు ఈ స్టార్ హీరోయిన్ లు..
ఇద్దరి సినిమాలు, పద్దతి గమనిస్తే.. ఇద్దరు కూడా కలిసి కావాలనే ఇలా చేస్తున్నారా అనే అనుమానం కూడా వస్తుందట కొందరికి. ఇద్దరు సౌత్ హీరోయిన్ లు. సినిమాలు కూడా సౌత్ లో మాత్రమే వస్తున్నాయి. అయితే కొందరు నిర్మాతలు వీరిని బాలీవుడ్ గురించి అడిగితే పెద్దగా ఆసక్తి చూపించడం లేదట. సెకండ్ ఇన్నింగ్స్ మొదలు పెట్టాక అనుష్క మంచి క్రేజ్ తో దూసుకొని పోతుంది. మంచి మంచి ప్రాజెక్ట్ లకు సైన్ చేస్తుంది. రీసెంట్ గా వచ్చిన మిస్ శెట్టి మిస్టర్ పొలిశెట్టి అనే సినిమాలో నటించి సూపర్ హిట్ ను సొంతం చేసుకుంది అను.
మలయాళంలో కూడా ఒక సినిమాలో నటిస్తోంది అనుష్క. ఇది మాత్రమే కాదు క్రిష్ దర్శకత్వంలో మరొక సినిమాకు కమిట్ అయిందట. మరో రెండు సినిమాలకు కూడా పచ్చ జెండా ఊపిందనే సమాచారం ఉంది కానీ క్లాలిరిటీ లేదు. అయితే ఇప్పటి వరకు బాలీవుడ్ లో ఒక సినిమాకు కూడా కమిట్ అవలేదట ఈ బ్యూటీ. దీనికి గల పర్ఫెక్ట్ రీజన్ తెలియడం లేదు.
అనుష్క బాటలోనే నడుస్తోంది త్రిష. వయసు పెరుగుతున్న అందాన్ని పెంచుతుంది. కానీ పెళ్లి చేసుకోవడం లేదు. మరో వైపు ఈమె కూడా పూర్తిగా సౌత్ ఇండియాకే పరిమితం అయింది. తెలుగు, తమిళ భాషల్లో అనేక సినిమాల్లో నటించేందుకు గ్రీన్ సిగ్నల్ ఇచ్చింది. కానీ బాలీవుడ్ కు మాత్రం నో అనేస్తోంది. ఈ ఇద్దరు ఎందుకు బాలీవుడ్ కు ఎస్ చెప్పడం లేదనే సందేహాలు ఉన్నా.. కొందరు మాత్రం అసలు వీరికి బాలీవుడ్ లో ఆఫర్లు వస్తున్నాయా అంటూ ప్రశ్నిస్తున్నారు. వీటిపై ఈ స్టార్ హీరోయిన్ లు స్పందిస్తే గానీ నిజాలు ఏంటో తెలియదు.
