Jana Nayagan Collection: తమిళనాడు ముఖ్యమంత్రి విజయ్ హీరో గా నటించిన చివరి చిత్రం ‘జన నాయగన్ ‘ ఎన్నో అడ్డంకులను ఎదురుకొని రీసెంట్ గానే భారీ అంచనాల నడుమ విడుదలై , మొదటి ఆట నుండే డిజాస్టర్ టాక్ ని సొంతం చేసుకుంది. అయితే విజయ్ చివరి చిత్రం కాబట్టి , భవిష్యత్తులో ఆయన సినిమాల్లో నటించే అవకాశం లేదు కాబట్టి , తమిళ ఆడియన్స్ టాక్ తో సంబంధం లేకుండా ఈ సినిమాకు మొదటి రోజు బంపర్ ఓపెనింగ్ ని అందించారు. అక్కడి ట్రేడ్ విశ్లేషకులు అందిస్తున్న సమాచారం ప్రకారం ఈ చిత్రానికి మొదటి రోజు 80 కోట్ల రూపాయిల రేంజ్ లో గ్రాస్ వసూళ్లు వచ్చాయి. కానీ రెండవ రోజు మాత్రం ఫ్లాప్ టాక్ ప్రభావం చాలా గట్టిగా కనబడింది అనే చెప్పాలి. 50 శాతం డ్రాప్స్ ఉంటే పర్వాలేదు అనుకోవచ్చు , అంతకు మించి ఎక్కువ ఉంటే డిజాస్టర్ అనొచ్చు.
ఈ సినిమాకు అదే జరిగింది. ట్రేడ్ పండితులు అందిస్తున్న సమాచారం ప్రకారం , ఈ చిత్రానికి రెండవ రోజున తమిళనాడు నుండి 12 కోట్ల రూపాయిల గ్రాస్ వసూళ్లు రాగా, కేరళ నుండి 2 కోట్ల గ్రాస్ వసూళ్లు ఆంధ్ర ప్రదేశ్ / తెలంగాణ ప్రాంతాల నుండి 1 కోటి 88 లక్షల గ్రాస్ వసూళ్లు వచ్చాయి. ఇక హిందీ వెర్షన్ లో వచ్చిన వసూళ్లు కోటి రూపాయిల గ్రాస్ కంటే తక్కువ అట. ఓవరాల్ గా ఇండియా వైడ్ గా కర్ణాటక రాష్ట్రాన్ని కలుపుకొని ఈ చిత్రానికి 2 వ రోజున 18 కోట్ల 88 లక్షల రూపాయిల గ్రాస్ వసూళ్లు వచ్చాయి. ఓవర్సీస్ లో దాదాపుగా 1 మిలియన్ డాలర్ల గ్రాస్ వసూళ్లు వచ్చాయట. అంటే ఇండియన్ కరెన్సీ లెక్కల ప్రకారం దాదాపుగా 9 నుండి 10 కోట్ల రూపాయిల గ్రాస్ వసూళ్లు అన్నమాట.
ఓవరాల్ గా వరల్డ్ వైడ్ గా ఈ చిత్రానికి 28 కోట్ల రూపాయిల గ్రాస్ వసూళ్లు వచ్చాయి. రెండు రోజులకు కలిపి 108 కోట్ల రూపాయిల గ్రాస్ వసూళ్లు అన్నమాట. మొదటి రోజు ఈ చిత్రానికి వస్తుందని అనుకున్న గ్రాస్ ఇది , రెండు రోజులకు కలిపి వచ్చింది. కానీ ఇలాంటి డిజాస్టర్ టాక్ తో ఈ రేంజ్ గ్రాస్ వసూళ్లు ప్రస్తుతం భారతదేశం లో విజయ్ కి తప్ప ఎవరికీ సాధ్యం అవ్వదు అని అంటున్నారు ట్రేడ్ విశ్లేషకులు. చివరి సినిమా , ముఖ్యమంత్రి అయ్యాక విడుదల అవుతున్న మొదటి సినిమా కాబట్టి , ఈ మాత్రం ఊపు ఉండడం సహజమే అని అనుకోవచ్చు కానీ , ఇది ఇతరులకు అసాధ్యమైన రేర్ ఫీట్ అనే చెప్పొచ్చు. నేడు రేపు కచ్చితంగా వసూళ్లు బాగుంటాయి కాబట్టి , ఈ సినిమా ఫుల్ రన్ లో 200 కోట్ల గ్రాస్ ని అవలీలగా అందుకోగలదని అంటున్నారు ట్రేడ్ విశ్లేషకులు.
