Jana Nayagan First Week Collection: తమిళనాడు ముఖ్యమంత్రి విజయ్ నటించిన చివరి చిత్రం ‘జన నాయగన్ ‘ రీసెంట్ గానే భారీ అంచనాల నడుమ విడుదలై , మొదటి ఆట నుండే డిజాస్టర్ టాక్ ని సొంతం చేసుకుంది. కానీ వచ్చిన డిజాస్టర్ టాక్ కి , బాక్స్ ఆఫీస్ వద్ద కురుస్తున్న వసూళ్ల వర్షానికి అసలు సంబంధమే లేదు. సాధారణంగా విజయ్ రేంజ్ సూపర్ స్టార్స్ కి వీకెండ్ వరకు టాక్ తో సంబంధం లేకుండా వసూళ్లు వస్తుంటాయి. కానీ ఈ చిత్రానికి వీకెండ్ తర్వాత సాధారణ వర్కింగ్ డేస్ లో కూడా డీసెంట్ స్థాయి వసూళ్లు నమోదు అవుతున్నాయి. ఇదే ట్రేడ్ ని విస్వయానికి గురి చేస్తున్న విషయం. 7 వ రోజున ఈ చిత్రానికి వరల్డ్ వైడ్ గా 10 కోట్ల 20 లక్షల రూపాయిల గ్రాస్ వసూళ్లు , 4 కోట్ల 75 లక్షల రూపాయిల షేర్ వసూళ్లు వచ్చాయట.
ప్రాంతాల వారీగా ఈ చిత్రానికి మొదటి వారం వచ్చిన వసూళ్లు ఎంతో వివరంగా చూద్దాం. తమిళనాడు ప్రాంతం నుండి ఈ చిత్రానికి మొదటి వారం లో 102 కోట్ల 85 లక్షల రూపాయిల గ్రాస్ వసూళ్లు వచ్చాయి. అదే విధంగా తెలుగు రాష్ట్రాల నుండి 12 కోట్ల 10 లక్షల రూపాయిల గ్రాస్ వసూళ్లు , 6 కోట్ల రూపాయిల షేర్ వసూళ్లు వచ్చాయి. అందులో నైజాం ప్రాంతం నుండి 3 కోట్ల షేర్ వసూళ్లు రాగా, ఆంధ్ర ప్రదేశ్ + సీడెడ్ ప్రాంతం నుండి 3 కోట్ల రూపాయిల షేర్ వసూళ్లు వచ్చాయి. ఇక కర్ణాటక రాష్ట్రము విషయానికి వస్తే , మొదటి వారం లో ఈ చిత్రానికి 27 కోట్ల 80 లక్షల రూపాయిల గ్రాస్ వసూళ్లు వచ్చాయి. అదే విధంగా కేరళ రాష్ట్రం నుండి 15 కోట్ల రూపాయిల గ్రాస్ వసూళ్లు రాగా , హిందీ + రెస్ట్ ఆఫ్ ఇండియా నుండి 18 కోట్ల 65 లక్షల రూపాయిల గ్రాస్ వసూళ్లు వచ్చాయి.
ఇక ఓవర్సీస్ నుండి అయితే ఈ చిత్రానికి ఏకంగా 81 కోట్ల రూపాయిల గ్రాస్ వసూళ్లు వచ్చాయి. ఇది తమిళనాడు లో కొంతమంది స్టార్ హీరోల సూపర్ హిట్స్ తో సమానం. మన తెలుగు హీరోలకు అయితే సూపర్ హిట్ టాక్ వచ్చిన ఈ రేంజ్ గ్రాస్ రాదు, అందుకు రీసెంట్ ఉదాహరణ ‘పెద్ది’. ఓవరాల్ గా వరల్డ్ వైడ్ గా ఈ చిత్రానికి 117 కోట్ల రూపాయిల షేర్ వసూళ్లు , 257 కోట్ల 40 లక్షల రూపాయిల గ్రాస్ వసూళ్లు వచ్చాయి. బ్రేక్ ఈవెన్ మార్కుని అందుకొని క్లీన్ హిట్ స్టేటస్ ని పొందాలంటే , ఈ చిత్రం మరో 85 కోట్ల షేర్ ని రాబట్టాల్సి ఉంటుంది. అది దాదాపుగా అసాధ్యమే కానీ , ఈ వీకెండ్ పెర్ఫార్మన్స్ ని బట్టి , ఈ చిత్రం లాంగ్ రన్ లో 300 కోట్ల గ్రాస్ మార్కుని అందుకుంటుందా లేదా అనేది డిసైడ్ కానుంది.
