Mukku Avinash: మరో వివాదంలో ముక్కు అవినాష్… కొత్త కారు కొన్నాడని తిట్టిపోస్తున్న జనాలు, కారణం ఇదే!

Mukku Avinash: జబర్దస్త్ షో తో పాపులరైన ముక్కు అవినాష్ ఆ తర్వాత టాప్ రియాలిటీ షో బిగ్ బాస్ కి వెళ్లిన విషయం తెలిసిందే, ఆ తర్వాత పలు ఎంటర్టైన్మెంట్ షో ల్లో నటిస్తూ దూసుకెళ్తున్న అవినాష్ తాను ఎక్కడ ఉంటే అక్కడ 100 % ఎంటర్టైన్మెంట్ ఇవ్వటంలో సక్సెస్ అయ్యాడనే చెప్పాలి.

తాజాగా అవినాష్ తన సొంత యూట్యూబ్ ఛానల్ లో పెట్టిన ఒక వీడియో పట్ల మిశ్రమ స్పందన వస్తుంది. ఆయన మహీంద్రా ఎక్స్ యూవీ 700 కారును కొనుగోలు చేసి దానికి సంబంధించిన పూజ వీడియో అప్లోడ్ చేశారు. అదే ఇప్పుడు విమర్శలకు కారణం అయ్యింది. గతంలో తన తల్లి మల్లమ్మ కు ఆరోగ్యం బాలేదని గుండెకు స్టెంట్ వేయాల్సి వచ్చిందని అవినాష్ తన ఛానల్ లో చెప్పుకొచ్చాడు. ఇప్పుడిప్పుడే ఆమె ఆరోగ్యం కుదుటపడుతుంది.

ఇలాంటి సమయంలో అవినాష్ 25 లక్షలు పెట్టి కారు కొనడంతో నెటిజన్లు రకరకాలుగా కామెంట్స్ చేస్తున్నారు. అన్న అమ్మకు బాలేదని నువ్వే చెప్పావు, ఇలాంటి సమయంలో కారు అవసరమా అంటూ కొందరు కామెంట్స్ చేస్తే, మరికొందరు మాత్రం అమ్మకు బాలేదని వీడియో చేసి దాని వలన వచ్చిన డబ్బులతో కారు కొన్నావా..? మంచి మంచి కట్టుబాట్లు అంటూ హేళన చేస్తూ కామెంట్స్ చేస్తున్నారు.

అయితే నిజానికి అవినాష్ కు ఉన్న పాత కారుకు యాక్సిడెంట్ కావడంతో దానిని ఎక్స్చేంజ్ చేసి మరికొంత అమౌంట్ పే చేసి ఈ కారును కొనుగోలు చేసినట్లు చెప్పారు. కానీ అవేమి పట్టించుకోని కొందరు ముక్కు అవినాష్ మీద నెగిటివ్ కామెంట్స్ చేయటం విశేషం. అయితే ముక్కు అవినాష్ మీద ఒక ఆరోపణ అయితే ఎప్పటినుంచో ఉంది, చాలా సందర్భాల్లో కుటుంబ సభ్యుల సమస్యలు పబ్లిక్ లో పెట్టి ఒక రకమైన సానుభూతి పొందే అలవాటు అవినాష్ కు ఉందని, గతంలో బిగ్ బాస్ వెళ్లిన సమయంలో కావచ్చు, జబర్దస్త్ యాజమాన్యంతో గొడవలు జరిగినప్పుడు కావచ్చు ఈ సెంటిమెంట్ కార్డు ను అవినాష్ ఉపయోగించాడు అనే ఆరోపణలు ఉన్నాయి