Pushpa Movie: ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న తాజా చిత్రం పుష్ప. ఈ చిత్రం రెండు భాగాలుగా విడుదల కానున్న సంగతి అందరికీ తెలిసిందే. ఈ చిత్రం మొదటి పార్ట్ పుష్ప ది రైజ్ డిసెంబర్ 17 వ తేదీన ప్రపంచ వ్యాప్తంగా విడుదల కాబోతుంది. ఈ చిత్రం కి సంబంధించిన ప్రచార చిత్రాలు, వీడియో లు, పాటలు విడుదలై ప్రేక్షకులను అభిమానులను విశేషంగా ఆకట్టుకుంటున్నాయి. తాజాగా ఈ చిత్రం నుండి విడుదల అయిన ట్రైలర్ కు భారీ రెస్పాన్స్ వస్తోంది. ఈ చిత్రం లోని ఒక ఐటమ్ సాంగ్ లో టాలీవుడ్ బ్యూటీ సమంత స్టెప్పులేయనున్న సంగతి తెలిసిందే. ఇప్పుడు తాజాగా పుష్ప సినిమా నుంచి అదిరిపోయే అప్ డేట్ వచ్చింది.
Also Read: 2021లో మృతిచెందిన టాలీవుడ్ సెలబ్రెటీలు..!
ఈ చిత్రంలోని ఐటమ్ సాంగ్ విడుదలకు ముహూర్తాన్ని చిత్ర బృందం ఖరారు చేసేంది. “ఊ అంటావా… ఊహు అంటావా” అంటూ సాగే ఈ ఐటెం సాంగ్ ను ఇవాళ సాయంత్రం 7.02 గంటలకు విడుదల… చేయనున్నట్లు సోషల్ మీడియా వేదికగా అధికారికంగా ప్రకటించారు. గణేష్ ఆచార్య కొరియోగ్రఫీ చేసిన ఈ స్పెషల్ నంబర్ పై భారీ అంచనాలు నెలకొన్నాయి. ఈ మేరకు మూవీ యూనిట్ ఒక పోస్టర్ ను కూడా విడుదల చేసింది. ఇక ఈ సినిమాలో అల్లు అర్జున్ సరసన రష్మిక మందన నటిస్తోంది. పుష్ప సినిమా డిసెంబర్ 17వ తేదీన థియేటర్లలో విడుదల కానుంది. మైత్రి మూవీ మేకర్స్, ముత్తంశెట్టి మీడియా ఈ చిత్రాన్ని సంయుక్తంగా నిర్మిస్తున్నాయి. ఈ సినిమాను పాన్ ఇండియా లెవెల్లో తెలుగు, తమిళ, కన్నడ, మలయాళ, హిందీ భాషల్లో విడుదల చేయనున్నారు.
https://twitter.com/PushpaMovie/status/1469229170081218562?s=20
Also Read: ఈ ఏడాది వివాహ బంధంలో అడుగుపెట్టిన సినీ ప్రముఖులు వీళ్లే..
