Allu Arjun: తెలుగు సినిమా ఇండస్ట్రీలో ఐకాన్ స్టార్ గా తనకంటూ ఒక మంచి గుర్తింపును సంపాదించుకున్న నటుడు అల్లు అర్జున్.. ఈయన గంగోత్రి సినిమాతో ఇండస్ట్రీకి ఎంట్రీ ఇచ్చినప్పటికి ఆ సినిమా సక్సెస్ అయితే సాధించింది. కానీ నటుడిగా తనకు ఏమాత్రం గుర్తింపు అయితే తీసుకురాలేదు. ఇక ఆ తర్వాత ఆర్య సినిమాతో ఆయన నటుడు గానే కాకుండా స్టైలిష్ స్టార్ గా కూడా ఒక మంచి గుర్తింపు సంపాదించుకున్నాడు.
ఇక ఆర్య 20 సంవత్సరాలు పూర్తి చేసుకున్న నేపథ్యంలో అల్లు అర్జున్ ఈ సినిమా గురించి పలు రకాల ఆసక్తికరమైన కామెంట్లైతే చేశాడు. అయితే ఈ సినిమా షూటింగ్ సమయంలో తను చాలా కంగారు పడ్డానని సినిమా బాగా వచ్చినప్పటికి సినిమా ఆడుతుందో లేదో అనే ఒక టెన్షన్ అయితే తనలో విపరీతంగా ఉండేదట. ఇక మొత్తానికైతే సినిమా సక్సెస్ అవ్వడంతో ఆయన ఊపిరి పీల్చుకున్నారట. ఇక ఇదిలా ఉంటే అల్లు అర్జున్ కి న్యూ ఇయర్ సెలబ్రేషన్స్ అంటే చాలా ఇష్టంమట. తను ప్రతి ఇయర్ న్యూ ఇయర్ సెలబ్రేషన్స్ ను చాలా గ్రాండ్ గా జరుపుకుంటూ ఉంటాడట. అలాగే ఆర్య సినిమా షూటింగ్ సమయంలో కూడా న్యూ ఇయర్ సెలబ్రేషన్స్ ను చాలా గ్రాండ్ గా జరుపుకొని డిసెంబర్ 31 నైట్ మొత్తం ఎంజాయ్ చేసి జనవరి ఫస్ట్ మార్నింగ్ వచ్చి పడుకున్నాడట.
ఇక అదే సమయానికి ఆర్య సినిమా యూనిట్ నుంచి ఫోను వచ్చిందట. ‘తకధింతోం తకధింతోం’ అనే సాంగ్ షూట్ చేయడానికి లొకేషన్ దొరికింది. అర్జెంటుగా మీరు వస్తే దానికి సంబంధించిన షూట్ చేసుకోవచ్చు అని చెప్పడంతో ఆయనకి విపరీతమైన తలనొప్పి ఉందట, అలాగే నైట్ మొత్తం నిద్ర లేకపోయిన కూడా ఆ లొకేషన్ కు వెళ్లి సాంగ్ షూట్ చేశారట. ఇక అప్పుడు ఆ సినిమా షూటింగ్ లో చాలా ఇబ్బందిగా పాల్గొన్నట్టుగా కూడా ఆయన తెలియజేశాడు. అప్పుడు కలిగిన పరిస్థితిని బట్టి తను ఇంకెప్పుడు షూటింగ్ ఉన్న ముందు రోజు పార్టీలు చేసుకోవడం గాని, నిద్ర లేకుండా ఉండడం గానీ ఏది చేయకూడదు అని ఫిక్స్ అయ్యారట.
ఇక షూటింగ్ ఉన్న ముందు రోజు ఆయన కనీసం 8 గంటల పాటు తప్పకుండా నిద్రపోతారట… అలా పోయినప్పుడే ఆయన ఆ సీన్ మీద గాని, ఆ షాట్ మీద గాని ఎక్కువ ఫోకస్ పెట్టి చేయగలనని నిద్ర లేకపోతే మనం షూట్ మీద సరిగ్గా కాన్సంట్రేట్ చేయలేమని చెప్పి ఆయన అప్పటి నుంచి ఇప్పటివరకు షూట్ ముందు రోజు రెస్ట్ తీసుకుంటారట…
