Top number one Pawan Kalyan: కాలం మారుతుంది, నాయకులు వస్తుంటారు.. కానీ కొందరు మాత్రమే చరిత్రను తిరగరాస్తారు. 2025వ సంవత్సరంలో తెలుగు నాట వినిపించిన, కనిపించిన ఏకైక పేరు – పవన్ కళ్యాణ్. ఒకప్పుడు కేవలం సినిమా హీరోగా, ఆ తర్వాత ప్రశ్నించే గొంతుకగా ఉన్న పవన్, నేడు ఆంధ్రప్రదేశ్ ఉపముఖ్యమంత్రిగా తన పరిపాలనా దక్షతతో అందరినీ ఆశ్చర్యపరిచారు.
2014లో జనసేన పార్టీని స్థాపించినప్పుడు ఆయనపై ఎన్నో విమర్శలు వచ్చాయి. కానీ, 2024 ఎన్నికల్లో కూటమిని ఏకతాటిపైకి తీసుకురావడంలో ఆయన పోషించిన పాత్ర అద్వితీయం. 21కి 21 అసెంబ్లీ స్థానాలు గెలిచి, 100 శాతం స్ట్రైక్ రేట్ సాధించిన ఏకైక నాయకుడిగా నిలిచారు. ఆ విజయం తెచ్చిన ఊపుతో 2025లో పాలనలోనూ అదే వేగాన్ని కొనసాగించారు.
2025లో పవన్ కళ్యాణ్ మార్క్ పనులు
ఈ ఏడాది పవన్ కళ్యాణ్ తన శాఖల ద్వారా ప్రజాక్షేత్రంలో అలుపెరగని పోరాటం చేశారు.
గ్రామీణాభివృద్ధి & పంచాయతీ రాజ్: ‘పల్లె పండుగ’ వంటి కార్యక్రమాల ద్వారా గ్రామాల్లో మౌలిక సదుపాయాల కల్పనకు పెద్దపీట వేశారు. రికార్డు స్థాయిలో సిమెంట్ రోడ్ల నిర్మాణం చేపట్టి పల్లెల రూపురేఖలు మార్చారు.
అడవితల్లి బాట: సుమారు రూ. 1000 కోట్లతో గిరిజన ప్రాంతాలకు రోడ్ల కనెక్టివిటీ కల్పించే బృహత్తర ప్రాజెక్టుకు శ్రీకారం చుట్టారు.
పర్యావరణ పరిరక్షణ: అటవీ శాఖా మంత్రిగా ఎర్రచందనం స్మగ్లింగ్ను అరికట్టడంలో కఠినంగా వ్యవహరించారు. ‘వన మహోత్సవం’ ద్వారా పర్యావరణ స్పృహను పెంచారు.
ఇచ్చిన మాట – ఇప్పటం: గతంలో ఇప్పటం గ్రామంలో ఇళ్లు కోల్పోయిన బాధితులకు ఇచ్చిన మాట ప్రకారం, ఈ ఏడాది వారిని కలిసి వ్యక్తిగతంగా ఆర్థిక సాయం అందించి తన మానవత్వాన్ని చాటుకున్నారు.
సినిమాల్లోని వేగాన్ని , నిజ జీవితంలోని స్థిరత్వాన్ని జోడించారు. ఓజీ మూవీతో 300 కోట్ల మార్క్ అందుకొని టాలీవుడ్ లోనూ ముద్రవేశారు. 2025లో పవన్ కళ్యాణ్ ఒక “కంప్లీట్ స్టేట్స్ మ్యాన్” గా ఎదిగారు. అందుకే, 2025 సంవత్సరానికి గానూ తెలుగు నాట అత్యంత ప్రభావవంతమైన వ్యక్తిగా ఆయన నిలిచారు.
2025 టాప్ నెంబర్ వన్ తెలుగు వ్యక్తి పవన్ కళ్యాణ్.. దీనిపై ‘రామ్’ గారి సునిశిత విశ్లేషణను కింది వీడియోలో చూడొచ్చు.
