భారతదేశంలోని ప్రజలకు దైవభక్తి ఎక్కువనే సంగతి తెలిసిందే. దేవుడు కోరికలను తీరుస్తాడని ప్రజలలో చాలామంది నమ్ముతారు. కోరికలు తీరిన వెంటనే ప్రముఖ పుణ్యక్షేత్రాలను సందర్శించి భక్తులు తమ మొక్కులను చెల్లించుకోవడం జరుగుతుంది. దేశంలో విఘ్నేశ్వరునికి ఎన్నో ఆలయాలు ఉండగా ఆ ఆలయాలలో ధనిక దగ్దుషేత్ మిఠాయి గణపతి ఆలయం కూడా ఒకటి.
మహారాష్ట్ర రాష్ట్రంలోని పూణే నగరంలో ఈ ఆలయం ఉంది. దగ్దుసేత్ అనే స్వీట్ షాప్ యజమాని తన కొడుకు ప్లేగు వ్యాధితో చనిపోగా తన కొడుకు జ్ఞాపకార్థం ఈ గుడిని నిర్మించాడు. ఈ ఆలయంలోని గణపతి ఏకంగా ఎనిమిది కిలోల బంగారు ఆభరణాలతో అలంకరింపబడి ఉంటారు. తన అధ్యాత్మిక గురువు సలహా ప్రకారం దగ్దుసేత్ ఈ ఆలయాన్ని నిర్మించాడని తెలుస్తోంది. ఈ ఆలయంలో విగ్రహాలను ప్రతిష్టించి దగ్ధుసేత్ ఆ విగ్రహాలను కుమారులలా చూసుకున్నారని సమాచారం.
ఆ తరువాత గణేషుడు దగ్ధుసేత్ తో పాటు పూణేవాసులకు కూడా రక్షణ కల్పించాడని ప్రజలు నమ్ముతారు. ప్రతి సంవత్సరం ఏకంగా లక్ష మంది యాత్రికులు ఈ గణపతి దేవుడిని సందర్శిస్తారని తెలుస్తోంది. పదిరోజుల పాటు ఈ గణేష్ చతుర్థి వేడుకలు జరుగుతాయి. ఇక్కడ జరిగే గణేష్ ఉత్సవాలకు రాజకీయ నాయకులు, సినీ ప్రముఖులు సైతం హాజరు కావడం జరుగుతుంది.
ఈ ఆలయంలో పూజలను అందుకుంటున్న గణేష్ విగ్రహానికి 10 మిలియన్లకు బీమా చేయబడింది. ఈ ఆలయానికి 100 సంవత్సరాల కంటే ఎక్కువ చరిత్ర ఉండగా ఈ ఆలయంలో ఆలయ దీపాలంకరణ అద్భుతంగా ఉంటుంది. బంగారం, డబ్బును దేవునికి కానుకగా ఇచ్చే అవకాశం అయితే ఉండటంతో పాటు బంగారం లేదా డబ్బు ఇస్తే ధనవంతులు అవుతారని ప్రజలు నమ్ముతారు.
