Maa Inti Bangaram 15 Days Collections : సమంత నటించిన ‘మా ఇంటి బంగారం’ చిత్రం రీసెంట్ గానే భారీ అంచనాల నడుమ విడుదలై మొదటి ఆట నుండే మంచి పాజిటివ్ టాక్ ని తెచ్చుకొని , కేవలం రెండవ రోజే బ్రేక్ ఈవెన్ మార్కుని అందుకున్న సంగతి అందరికీ తెలిసిందే. ఇప్పటికీ ఈ చిత్రం బాక్స్ ఆఫీస్ రన్ ఏ మాత్రం తగ్గలేదు. నిన్న కొత్తగా రెండు సినిమాలు వచ్చినప్పటికీ కూడా ఈ సినిమా జోరు తగ్గకపోవడం గమనార్హం. తెలుగు రాష్ట్రాల్లో ఈ చిత్రానికి 15 వ రోజున 45 లక్షల రూపాయిల షేర్ వసూళ్లు వచ్చాయి అంటేనే అర్థం చేసుకోవచ్చు , ఈ సినిమా ఏ రేంజ్ బ్లాక్ బస్టర్ అనేది. ప్రాంతాల వారీగా ఈ చిత్రానికి 15 రోజుల్లో ఎంత షేర్ వసూళ్లు వచ్చాయి , ఎంత లాభాలు వచ్చాయి , ఇంకా ఎంత లాభాలు రావొచ్చు అనేది ఒకసారి చూద్దాం.
ట్రేడ్ పండితులు అందిస్తున్న సమాచారం ప్రకారం ఈ చిత్రానికి నైజాం ప్రాంతం నుండి ఈ చిత్రానికి దాదాపుగా 13 కోట్ల 87 లక్షల రూపాయిల షేర్ వసూళ్లు వచ్చాయి. అదే విధంగా ఆంధ్ర ప్రదేశ్ + సీడెడ్ ప్రాంతాలకు కలిపి 10 కోట్ల 56 లక్షలు రాగా, ఓవరాల్ గా తెలుగు రాష్ట్రాల నుండి ఈ చిత్రానికి ఇప్పటి వరకు 24 కోట్ల 43 లక్షల రూపాయిల షేర్ వసూళ్లు వచ్చాయి. గ్రాస్ వసూళ్లు దాదాపుగా 47 కోట్ల 25 లక్షల వరకు వచ్చింది. అదే విధంగా తమిళనాడు నుండి 1 కోటి 86 లక్షలు రాగా , కర్ణాటక + రెస్ట్ ఆఫ్ ఇండియా నుండి 5 కోట్లు , ఓవర్సీస్ నుండి 10 కోట్ల 40 లక్షల రూపాయిల షేర్ వసూళ్లు వచ్చాయి. మొత్తం మీద ప్రపంచవ్యాప్తంగా ఈ చిత్రానికి 41 కోట్ల 69 లక్షల రూపాయిల షేర్ వసూళ్లు , 84 కోట్ల 75 లక్షల రూపాయిల గ్రాస్ వసూళ్లు వచ్చాయి.
లాభాలు దాదాపుగా 29 కోట్ల 69 లక్షల రూపాయిలు రాగా, మరో 5 కోట్ల రూపాయిల షేర్ వసూళ్లు అదనంగా లాంగ్ రన్ లో వచ్చే సూచనలు కనిపిస్తున్నాయి. థియేట్రికల్ రన్ ఇప్పట్లో ఆగే సూచనలు కనిపించకపోవడం తో , ఈ సినిమా ఓటీటీ లో కూడా ఇప్పట్లో వచ్చే అవకాశాలు లేవు. కాబట్టి థియేట్రికల్ రన్ ఇంకా ఉండే అవకాశాలు ఉన్నాయి. అయితే ప్రతిష్టాత్మక వంద కోట్ల గ్రాస్ క్లబ్ లోకి ఈ చిత్రం చేరుతుందో లేదో చూడాలి.
