Sudigali Sudheer: బేసికల్గా మనకు వినోదం కావాలి అంటే.. ఫస్ట్ ఆప్షన్ ఏంటి టీవీ.. అందులోనూ కొన్ని చానల్స్ మాత్రమే మనం చూస్తాం.. ఇక మన తెలుగులో అయితే స్టార్ మా.. జీ టీవీ.. ఈటీవీ.. జెమినీ టీవీ.. ఇందులో కూడా నచ్చిన కార్యక్రమాలు మాత్రమే చూస్తాం. అంటే మన మనసును ఆకట్టుకునే కార్యక్రమాలకు మాత్రమే మనం బౌండై ఉంటాం. అలా మనం బౌండ్ కావాలి అంటే కచ్చితంగా మెస్మరేజ్ కావాలి. ఆడియన్స్ మెస్మరైజ్ అయ్యే విధంగా చేసే వాళ్ళల్లో తెలుగులో కొద్దిమంది యాంకర్లు మాత్రమే ఉన్నారు. వారిలో సుడిగాలి సుధీర్ కి నెంబర్ వన్ కాదు, అంతకు మించిన స్థానం ఇవ్వచ్చు.
మీరు ఆహా ఓటిటి చూస్తుంటారా.. అందులో తోపు అనే స్థాయిలో సినిమాలు పెద్దగా విడుదల కావు. అయినప్పటికీ ఆ ఓటిటి కి యూట్యూబ్ లో లక్షలలో ఫాలోవర్స్ ఉన్నారు. ఇక యూజర్లు కూడా అదే స్థాయిలో ఉన్నారు. గతంలో సమంత ఆహాకు ఒక టాక్ షో చేసింది.. నందమూరి బాలకృష్ణ కూడా ఒక టాక్ షో చేశారు. సుమ కనకాల.. ఇంకా కొంతమంది యాంకర్లు కూడా ఆహా ఓటిటికి పనిచేశారు.. వీరంతా కూడా తమ స్థాయికి నుంచి ఆడియన్స్ ను మెస్మరైజ్ చేశారు.
వీళ్లు వేసిన పునాదుల మీద.. ఆహా సంస్థకు ఒక అద్భుతమైన భవనాన్ని నిర్మించాడు సుడిగాలి సుధీర్. సాధారణంగా పేరు పొందిన టాక్ షోలు మాత్రమే ఆడియన్స్ చూస్తారు. ఎందుకంటే యాంకర్లు చూపించే స్పాంటేనిటీ.. ఆకట్టుకునే మాట తీరు.. ఇంకా అందులో ఉండే జోకులు.. పోటీలను ప్రేక్షకులు ఆస్వాదిస్తూ ఉంటారు. అందువల్లే కళ్లింతలు చేసుకొని ఆ షోలను చూస్తూ ఉంటారు. సమంత అంటే పేరుపొందిన హీరోయిన్.. నందమూరి బాలకృష్ణ తిరుగులేని హీరో.. సుమ అద్భుతమైన యాంకర్.. వాస్తవానికి వీళ్ళ అనుభవంతో పోల్చితే సుడిగాలి సుధీర్ తక్కువ అనే చెప్పాలి. అయినప్పటికీ సుడిగాలి సుధీర్ తన మ్యాజికల్ యాంకరింగ్ తో ఆహా ఓటీటీ లో అదరగొడుతున్నాడు.
ఆహా లో సర్కార్ షోను ఒక రేంజ్ లోకి తీసుకెళ్తున్నాడు. ఇప్పటికీ మీరు యూట్యూబ్ లో కనుక చూసుకుంటే సుడిగాలి సుధీర్ ఎపిసోడ్లు మిలియన్లు దాటిపోయి ఉంటాయి. సమంత.. నందమూరి బాలకృష్ణ. సుమ చేసిన వీడియోల కంటే కూడా సుడిగాలి సుధీర్ చేసిన వీడియోలకు వ్యూస్ అధికంగా ఉంటాయి.
బేసికల్గా ఒక షోను ఆడియన్స్ రిపీటెడ్ గా చూసేలా నడిపించడం అంత ఈజీ కాదు.. కానీ ఆ మ్యాజిక్ సుడిగాలి సుధీర్ దగ్గర మెండుగా ఉంది. అందువల్లే అతడు బుల్లితెర సూపర్ స్టార్ అయిపోయాడు. మామూలుగా అయితే మెయిన్ స్ట్రీమ్ ఛానల్స్ లో కార్యక్రమాలకు వీక్షకుల సంఖ్య అధికంగా ఉంటుంది. చివరికి ఓటీటీలో కూడా కార్యక్రమాలు చేస్తే వీక్షకులు చూస్తారని.. బ్రహ్మరథం పడతారని సుడిగాలి సుధీర్ నిరూపించాడు. అందుకే అతడిని బుల్లితెర సూపర్ స్టార్ అని పిలుస్తుంటారు.
అతడు ఓ స్థాయిలో యాంకరింగ్ చేస్తాడు.. కంటెస్టెంట్లు కుళ్ళు జోకులు వేసిన తీసుకుంటాడు.. చివరికి తనను తాను తగ్గించుకుంటాడు. ఒక గొప్ప మాట ఉంది.. తనను తాను తగ్గించుకున్నవాడు ఎప్పటికీ గొప్పగా ఉంటాడని.. సుడిగాలి సుధీర్ కూడా అదే చేస్తున్నాడు. అందువల్లే ఈ స్థాయిలో ఉన్నాడు. ఒక ఓటిటి.. అది కూడా రీజినల్ లాంగ్వేజ్.. అందులోనూ బడ్జెట్ పరిమితులలో ఒక షో.. ఒక స్థాయి గెస్టులు మాత్రమే.. అయినప్పటికీ ఆ షోను రికార్డు లెవెల్ లో వ్యూస్ వచ్చే విధంగా రూపొందించడం మాటలు కాదు. అన్నింటికీ మించి ఆ షో కోసం ఆడియన్స్ కళ్ళు కాయలు కాచే విధంగా చూడటం అంత ఈజీ కాదు. ఇవన్నీ చేసి చూపించాడు సుడిగాలి సుధీర్. అందుకే అతడు బుల్లితెరకు మకుటం లేని మహారాజు..
