Bigg Boss 10 Telugu: ఈ సీజన్ బిగ్ బాస్ హౌస్ లోకి ‘అగ్ని పరీక్ష 2’ ద్వారా ఎంట్రీ ఇచ్చిన కంటెస్టెంట్స్ లో , షో పై బలమైన ప్రభావం చూపించిన వారిలో ఒకరు షాలిని. కచ్చితంగా ఈమె టాప్ 5 లో ఉండాల్సిన స్ట్రాంగ్ కంటెస్టెంట్ , అందులో ఎలాంటి సందేహం లేదు. గేమ్స్ వచ్చినప్పుడు తన వైపు నుండి నూటికి నూరు శాతం బెస్ట్ ఇవ్వగలదు , మగవాళ్ళతో సైతం పోటీ పడగలదు, వాదనలు వచ్చినప్పుడు చాలా బలమైన పాయింట్స్ ని పెట్టగలదు, ఇలా చెప్పుకుంటూ పోతే చాలానే ఉన్నాయి. కానీ గత రెండు వారాల నుండి రోహిత్ తో పీకల్లోతు ప్రేమలో మునిగిపోవడం తో , ఈమె గేమ్ బాగా డౌన్ అయ్యింది. దానికి తోడు తన తోటి కంటెస్టెంట్స్ తో కొట్లాడడం వంటివి కూడా షాలిని గ్రాఫ్ ని మరింత తగ్గించేలా చేశాయి. వైల్డ్ కార్డ్స్ కూడా బయట ఈమెకు పెరిగిన నెగెటివిటీ ని గమనించి , ఆమెకు హౌస్ లో ఉండేందుకు అర్హత లేదని ఓట్లు వేశారు. దీంతో షాలిని కి కూడా తనకు బయట బాగా నెగెటివిటీ పెరిగిపోయింది అనే విషయం అర్థం అయిపోయింది.
తాను ఈ వారం ఎలిమినేట్ అయ్యే అవకాశాలు ఉన్నాయని రోహిత్ తో కూడా పలు సందర్భాల్లో చెప్పుకొచ్చింది. బయటకు వెళ్లిన తర్వాత పుట్టినరోజు వేడుకలు కూడా చేసుకుంటానని చెప్పింది. ఆమె ఊహించినట్టుగానే ఈ వారం ఎలిమినేట్ అయ్యింది. కానీ ఎలిమినేట్ అయ్యాక ఆమెని నేరుగా ఇంటికి పంపించలేదు, సీక్రెట్ రూమ్ కి పంపించారు అట. ఈ అప్డేట్ బయటకు రాగానే అందరూ ఒక్కసారిగా సర్ప్రైజ్ కి గురయ్యారు. ఎందుకంటే గడిచిన రెండు సీజన్స్ నుండి అసలు సీక్రెట్ రూమ్ అనే కాన్సెప్ట్ ని ఉపయోగించలేదు బిగ్ బాస్. కానీ ఈ సీజన్ లో షాలిని వర్త్ కాండిడేట్, ఆమె నుండి బోలెడంత కంటెంట్ వస్తుంది అనే ఉద్దేశ్యం తో సీక్రెట్ రూమ్ లో పెట్టినట్టు సమాచారం.
ఒక రెండు రోజుల పాటు సీక్రెట్ రూమ్ లో పెట్టి , ఆ తర్వాత ఆమె చేతిలో ఒక స్పెషల్ పవర్ పెట్టి హౌస్ లోకి తిరిగి పంపే అవకాశాలు ఉన్నాయి. కాసేపటి క్రితమే విడుదలైన ప్రోమో ని మీరంతా చూసే ఉంటారు. ఈ ప్రోమో లో షాలిని కి నాగార్జున ఒక రేంజ్ లో కోటింగ్ ఇస్తుంటాడు. అంతే కాదు , నీతూ మాస్టర్ , రోహిత్ ఇద్దరు షాలిని గురించి మాట్లాడుకున్న కొన్ని వీడియోలను కూడా కన్ఫెషన్ రూమ్ కి పిలిచి చూపించారట. ఇప్పుడు సీక్రెట్ రూమ్ లోకి వెళ్లిన షాలిని , రెండు రోజులు రోహిత్ ని బాగా పరిశీలించి , అతను తన కోసం బాధపడుతున్నాడో లేదో తెలుసుకొని, లోపలకు వచ్చిన తర్వాత అతనితో గొడవ పడడమో, లేదంటే నీతూ మాస్టర్ తో వైరం పెంచుకోవడమో జరగొచ్చు. చూడాలి మరి రాబోయే రోజుల్లో ఏమి జరగబోతుంది అనేది.
