Samantha: సమంత వరుస సినిమాలతో దూసుకుపోతూ… తనదైన శైలిలో ప్రేక్షకులను అలరిస్తుంది. ఈ ముద్దుగుమ్మ ప్రస్తుతం వరుసగా కథానాయిక ప్రాధాన్యమున్న సినిమాలను అంగీకరిస్తోంది. తన నటనతో అందరినీ ఆకట్టుకుంటూ… నటనకు ప్రాధాన్యమున్న పాత్రలను ఎంచుకుంటూ ముందుకు వెళ్తుంది. అయితే ఇప్పుడు తాజాగా ఆమె మరో వెబ్ సిరీస్ కు గ్రీన్ సిగ్నల్ ఇవ్వనున్నట్లు సినీ వర్గాల్లో చర్చించుకుంటున్నారు.
సమంత ఇప్పుడు వరుసగా రెండు హీరోయిన్ ఓరియెంటెడ్ చిత్రాలకు గ్రీన్ సిగ్నల్ ఇచ్చింది. వాటిలో ఒకటి తెలుగు-తమిళ ద్విభాషా సినిమా కాగా, మరొకటి కొత్త దర్శక ద్వయం తీస్తున్న తెలుగు సినిమా. ‘ఫ్యామిలీ మ్యాన్-2’ తర్వాత కాస్త విరామం తీసుకున్న సమంత.. గుణశేఖర్ దర్శకత్వంలో ‘శాకుంతలం’ పూర్తి చేసింది. డబ్బింగ్ జరుపుకొంటున్న ఈ చిత్రం.. త్వరలో థియేటర్లలోకి రానుంది. సామ్ రెండు కొత్త చిత్రాలు ఒప్పుకోవడం ఆమె అభిమానుల్లో జోష్ నింపింది.
డ్రీమ్ వారియర్ పిక్చర్స్ నిర్మిస్తున్న ద్విభాషా చిత్రంలో సమంత టైటిల్ రోల్ చేస్తోంది. శాంతరుబన్ జ్ఞానశేఖరన్ దీనికి దర్శకుడు. అలానే శ్రీదేవి మూవీస్ పతాకంపై శివలెంక కృష్ణప్రసాద్ నిర్మిస్తున్న సినిమాలోనూ సమంత ప్రధాన పాత్రలో నటిస్తోంది. హరి & హరీశ్ ద్వయం ఈ చిత్రానికి డైరెక్షన్ చేస్తున్నారు. అయితే ఇందులో ఒకటి హారర్ సినిమా కాగా, మరొకటి డ్రామా మూవీ అని తెలుస్తోంది. ప్రస్తుతం కొత్త సినిమాలకు గ్రీన్ సిగ్నల్ ఇచ్చిన ఈ అందాల ముద్దుగుమ్మ విడాకుల అనంతరం ప్రొఫెషనల్ లైఫ్ లో బిజీగా మారుతూ అభిమానులను అలరిస్తుంది. ప్రస్తుతం ఈ వార్త సోషల్ మీడియాలో వైరల్గా మారుతోంది.
