Klin Kaara: క్యూట్ గా బుడిబుడి అడుగులు వేస్తూ సందడి చేసిన రామ్ చరణ్ కూతురు క్లిన్ కారా..వైరల్ అవుతున్న వీడియో!

Klin Kaara: మెగా ఫ్యామిలీ కి రామ్ చరణ్ కూతురు క్లిన్ కారా, ఆ దేవుడిచ్చిన అపూరోపమైన బహుమానం అని మెగా స్టార్ చిరంజీవి గతంలో ఒక మాట చెప్పాడు. ఈ పాప కుటుంబంలోకి అడుగుపెట్టినప్పటి నుండి అందరికీ శుభాలు జరిగాయి. రామ్ చరణ్ లో గ్లోబల్ వైడ్ గా ఫేమ్ వచ్చింది, మెగాస్టార్ చిరంజీవి కి ‘వాల్తేరు వీరయ్య’ లాంటి భారీ హిట్ తో పాటుగా, పద్మవిభూషణ్, గిన్నిస్ బుక్ ఆఫ్ వరల్డ్ రికార్డ్స్ వంటి పురస్కారాలు వచ్చాయి. వరుణ్ తేజ్, లావణ్య త్రిపాఠీలు వివాహం చేసుకోవడం జరిగింది. వీటి అన్నిటికీ మించి పవన్ కళ్యాణ్ ఈ సార్వత్రిక ఎన్నికలలో సంచలన విజయం సాధించి ,కూటమి ప్రభుత్వాన్ని ఏర్పాటు చేసి, ఆంధ్ర ప్రదేశ్ రాష్ట్రానికి ఉప ముఖ్యమంత్రి అయ్యాడు. కేవలం రాష్ట్ర స్థాయిలో మాత్రమే కాదు, నేషనల్ లెవెల్ లో పవన్ కళ్యాణ్ పేరు రాజకీయంగా ఇప్పుడు ఎలా మారుమోగుతుందో మన కళ్లారా చూస్తూనే ఉన్నాం.

ఇలాంటి శుభాలన్నీ చోటు చేసుకున్నాయంటే అది క్లిన్ కారా వల్లనే అని మెగా ఫ్యామిలీతో పాటు అభిమానులు కూడా బలంగా నమ్ముతున్నారు. అయితే రామ్ చరణ్ క్లిన్ కారా ముఖాన్ని చాలా రోజుల వరకు అభిమానులకు చూపించలేదు. చిన్న పిల్లలకు దిష్టి తగులుతుంది అనే ఉద్దేశ్యంతో చాలా మంది ఇలాగే చేస్తుంటారు. అయితే ఏడాది నిండిన తర్వాత రామ్ చరణ్ తన కూతురుతో ఆడుకుంటున్న ఫోటోలను సోషల్ మీడియా లో అప్లోడ్ చేసాడు. ఈ ఫోటోలను చూసి అభిమానులు ఎంతగానో మురిసిపోయారు. అయితే లేటెస్ట్ గా ఉపాసన తన కూతురుతో కలిసి నడుచుకుంటూ వెళ్తున్న వీడియో ని ఉపాసన సోషల్ మీడియా లో షేర్ చేయగా అది తెగ వైరల్ గా మారింది. బుడి బుడి అడుగులతో చాలా క్యూట్ గా నడుస్తున్న ఈ వీడియో సోషల్ మీడియా లో బాగా వైరల్ అయ్యింది. మీరు కూడా ఆ వీడియో ని చూసేయండి.

ఇక రామ్ చరణ్ సినిమాల విషయానికి వస్తే ఆయన నటించిన ‘గేమ్ చేంజర్’ చిత్రం జనవరి 10వ తారీఖున ప్రపంచవ్యాప్తంగా తెలుగు,హిందీ, తమిళ భాషల్లో గ్రాండ్ గా విడుదల అవ్వబోతున్న సంగతి తెలిసిందే. ఈ సినిమాకి సంబంధించిన టీజర్ ని ఇటీవలే విడుదల చేయగా దానికి సెన్సేషనల్ రెస్పాన్స్ వచ్చింది. వచ్చే నెలలో ఈ సినిమాకి సంబంధించిన ప్రమోషనల్ కార్యక్రమాలు వరల్డ్ వైడ్ గా గ్రాండ్ గా ప్లాన్ చేయబోతున్నారు. నార్త్ అమెరికా లో కూడా ప్రీ రిలీజ్ ఈవెంట్ ని ఏర్పాటు చేసారు. హైదరాబాద్ తో పాటు, ఆంధ్ర ప్రదేశ్ లో కూడా ప్రీ రిలీజ్ ఈవెంట్ ని జరిపించబోతున్నారు. అదే విధంగా తమిళం లో కూడా పెద్ద ఎత్తున ప్రీ రిలీజ్ ఈవెంట్ ని ఏర్పాటు చేసి సూపర్ స్టార్ రజినీకాంత్ ని ముఖ్య అతిథిగా ఆహ్వానించే ఆలోచనలో ఉన్నారు మేకర్స్.