Pushpa 2 Trailer: ‘పుష్ప 2′ ట్రైలర్ పై రాజమౌళి ప్రశంసల వర్షం..’దేవర’, ‘గేమ్ చేంజర్’ ని ఎందుకు పట్టించుకోలేదు?

Pushpa 2 Trailer: ఐకాన్ స్టార్ అల్లు అర్జున్ నటించిన ‘పుష్ప 2 : ది రూల్’ థియేట్రికల్ ట్రైలర్ నిన్న విడుదలై సోషల్ మీడియా ని ఒక ఊపు ఊపేసింది. అభిమానుల దగ్గర నుండి సెలెబ్రిటీల వరకు ప్రతీ ఒక్కరు ఈ ట్రైలర్ ని చూసి పొగడ్తలతో ముంచి ఎత్తారు. అల్లు అర్జున్ ని మొదటి భాగంలో ఫైర్ గా చూపిస్తే, రెండవ భాగంలో వైల్డ్ ఫైర్ గా చూపించారని ట్రైలర్ ని చూస్తే అర్థం అవుతుందని, ఇండియాలో మరో బిగ్గెస్ట్ కమర్షియల్ ఎంటర్టైనర్ వస్తుందని, ఈసారి కొడితే వెయ్యి కోట్లు కాదు, 1500 కోట్లు వస్తాయని అంటున్నారు ట్రేడ్ పండితులు. అంతే కాకుండా యూట్యూబ్ లో 24 గంటలు కూడా గడవకముందే 100 మిలియన్ కి పైగా వ్యూస్ రావడం అందరినీ ఆశ్చర్యానికి గురి చేస్తున్న మరో విషయం గా చెప్పొచ్చు. కేజీఎఫ్, బాహుబలి సిరీస్ల కోసం జనాలు ఎంతలా ఎదురు చూసారో, పుష్ప 2 కోసం కూడా అంతలా ఎదురు చూస్తున్నారు.

ఇదంతా పక్కన పెడితే కాసేపటి క్రితమే ఈ సినిమా ట్రైలర్ ని చూసి రాజమౌళి ఒక ట్వీట్ వేసాడు. ‘వైల్డ్ ఫైర్ పాట్నా లో మొదలైంది. అది ఇప్పుడు దేశవ్యాప్తంగా వ్యాప్తి చెందింది. డిసెంబర్ 5న పేలనుంది’ అంటూ చెప్పుకొచ్చాడు రాజమౌళి. ఈ ట్వీట్ ట్విట్టర్ లో ఒక రేంజ్ లో వైరల్ అయ్యింది. అల్లు అర్జున్ ఈ ట్వీట్ కి స్పందిస్తూ ‘సార్..మీకు చాలా కృతఙ్ఞతలు..కచ్చితంగా మీకు ఈ సినిమా సక్సెస్ పార్టీ ఇస్తాను’ అంటూ చెప్పుకొచ్చాడు. రాజమౌళి ఇటీవల కాలం లో ఒక సినిమా టీజర్/ ట్రైలర్ గురించి ఈ రేంజ్ లో స్పందించడం ఎవ్వరూ చూడలేదు. దీనిపై రామ్ చరణ్, ఎన్టీఆర్ అభిమానులు తీవ్రమైన అసహనం వ్యక్తం చేస్తున్నారు.

ఎందుకంటే రాజమౌళి ఎన్టీఆర్ ‘దేవర’ చిత్రం గురించి ఒక్కటంటే ఒక్క ట్వీట్ కూడా వెయ్యలేదు. సినిమా టీజర్/ట్రైలర్ గురించి ఎలాగో వెయ్యలేదు, కనీసం సినిమా విడుదల తర్వాత అయినా ట్వీట్ వేస్తాడు అనుకుంటే అది కూడా జరగలేదు. మరోపక్క ‘గేమ్ చేంజర్’ విషయంలో కూడా రాజమౌళి ఇలాగే ప్రవర్తించాడు. మొన్న విడుదలైన టీజర్ గురించి ఆయన ఇప్పటి వరకు నోరు మెదపలేదు. తానూ ఇండస్ట్రీ లో ఈ రేంజ్ కి ఎదగడానికి ప్రధాన కారణమైన రామ్ చరణ్, ఎన్టీఆర్ సినిమాలను పట్టించుకోకపోవడం పై ఇరువురి హీరోల అభిమానులు అసహనం వ్యక్తం చేస్తున్నారు. #RRR తర్వాత విడుదల అవుతున్న సినిమాలు అనే విషయమైనా రాజమౌళి కి గుర్తుందా అంటూ సోషల్ మీడియా లో ఆయన్ని ట్యాగ్ చేసి ప్రశ్నిస్తున్నారు అభిమానులు. కనీసం ‘గేమ్ చేంజర్’ చిత్రం విడుదల సమయంలో అయినా రాజమౌళి స్పందిస్తాడో లేదో చూడాలి. ఒకవేళ స్పందించకపోతే రాజమౌళి తీవ్రమైన వ్యతిరేకతని సోషల్ మీడియా లో మూటగట్టుకుంటాడు.

WILDFIRE started in Patna!!
Spreading across the country!!
Explodes on Dec 5th!!!

CAN’T WAIT for the party PUSHPA!!!

— rajamouli ss (@ssrajamouli) November 18, 2024