Movie Release: సహజమైన నటనతో తెలుగు ప్రేక్షకులను మెప్పించి న్యాచురల్ స్టార్ గా ఎదిగాడు నాని. ఎలాంటి సినీ బ్యాక్ గ్రౌండ్ లేకుండానే ఇండస్ట్రీలోకి వచ్చి హిట్లు, ఫ్లాపులతో ఏమాత్రం సంబంధం లేకుండా వరుస సినిమాలతో దూసుకుపోతున్నాడు. కాగా, రాహుల్‌ సాంకృత్యన్‌ దర్శకత్వంలో తెరకెక్కిన శ్యామ్సింగరాయ్ సినిమాతో మరోసారి పలకరించేందుకు నాని సిద్ధమయ్యారు. డిసెంబరు 24న ఈ సినిమా ప్రేక్షకుల ముందుకు రానుంది. అయితే, నానికి ట్విట్ ఇస్తూ.. అల్లు అర్జున్ రెడీ అవుతున్నట్లు సమాచారం.
సుకుమార్ దర్శకత్వంలో బన్నీ పుష్ప సినిమా తీస్తోన్న సంగతి తెలిసిందే. ఇప్పటికే ప్రమోషన్స్లో భాగంగా విడుదల చేసిన పోస్టర్లు, పాటలు ప్రేక్షకులను ఎంతగానో ఆకట్టుకున్నాయి. కాగా, డిసెంబరు 17న విడుదలకు సిద్దమైంది సినిమా. ఈ క్రమంలోనే సినిమా ప్రమోషన్స్లో ఫుల్ బిజీగా ఉన్నారు బన్ని. అయితే, ఈ మూవీని డిసెంబరు 25న విడుదల చేయాలని భావిస్తున్నట్లు సినీ వర్గాల్లో టాక్ వినిపిస్తోంది.
వాస్తవానికి పుష్పను డిసెంబరు చివర్లో రిలీజ్ చేయాలని మేకర్స్ అనుకున్నారు. కానీ, అల్లు అర్జున్ ఫ్యాన్స్ కోసం వారం ముందుగానే థియేటర్లలోకి తీసుకొస్తున్నట్లు ప్రకటించారు దర్శకనిర్మాతలు. ఇప్పుడు రిలీజ్ అప్డేట్పై మరోసారి పరిశీలిస్తున్నట్లు తెలుస్తోంది. ఇందుకు కారణం షూటింగ్ ఆలస్యం కావడమేనట. ఒకవేళ అదే నిజమైతే భారీ ఎక్స్పెక్టేషన్స్తో విడుదలవుతున్న శ్యామ్సింగరాయ్కి, పుష్ప మధ్య భారీ పోటీ నెలకొన్నట్లే. అప్పుడు ఏ సినిమా సూపర్ హిట్గా నిలుస్తుందో తెలియాలంటే వేచి చూడాల్సిందే. మరోవైపు, విభిన్న కథాంశంతో పిరియాడికల్ నేపథ్యంలో శ్యామ్సింగరాయ్ తరకెక్కగా.. తనకెరీర్లో ఎప్పుడూ చేయని కొత్త పాత్రలో బన్నీ కనిపించనున్నారు.
Web Title: Pushpa movie release day may chance to change
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
