The Paradise: నేచురల్ స్టార్ నాని హీరో గా నటిస్తున్న లేటెస్ట్ చిత్రం ‘ది ప్యారడైజ్’ పై అభిమానుల్లో, ప్రేక్షకుల్లో ఉన్నటువంటి అంచనాలు ఎలాంటివో ప్రత్యేకించి చెప్పనవసరం లేదు. షూటింగ్ చివరి దశలో ఉన్న ఈ చిత్రాన్ని ఈ ఏడాది సెప్టెంబర్ 24 న ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. రీసెంట్ గానే ఒక బ్రాండ్ న్యూ టీజర్ తో ఈ విషయాన్ని తెలిపారు మేకర్స్. టీజర్ కి కూడా ఫ్యాన్స్ , ఆడియన్స్ నుండి మంచి రెస్పాన్స్ వచ్చింది. ఎట్టకేలకు అనేక వాయిదాల తర్వాత నాని ‘ది ప్యారడైజ్’ విడుదలకు మోక్షం కలిగింది. సెప్టెంబర్ 24 న థియేటర్స్ లో రికార్డుల జాతర మొదలు అవుతుందని అంతా అనుకున్నారు. అయితే ఈ సినిమా మెడకు చుట్టుకున్న ఒక కొత్త వివాదం , విడుదలకు అడ్డు పడుతుందా అనే సందేహాలు అభిమానుల్లో వ్యక్తం అవుతున్నాయి.
పూర్తి వివరాల్లోకి వెళ్తే ప్యారడైజ్ స్టోరీ కర్నూలు లోని బంగారుపేట లో ఉన్నటువంటి షికారు జాతికి సంబంధించినది అని, మూడేళ్ళ క్రితం ఈ చిత్రానికి సంబంధించిన స్క్రిప్ట్ రైటర్స్ మా ఇంటికి వచ్చి కథని సేకరించి వెళ్లారని , సినిమాలో మీకు క్రెడిట్స్ ఇస్తామని చెప్పి చివరికి మోసం చేసారంటూ ఒక వ్యక్తి సోషల్ మీడియా లో విడుదల చేసిన ఒక వీడియో ఇప్పుడు హాట్ టాపిక్ గా మారింది. ఈ చిత్రం లో హీరో సారా కాస్తాడు , దొంగతనాలు చేస్తాడు , పిట్టలని పట్టుకుంటూ ఉంటాడు. ఇలా ఆయన జీవనం సాగుతూ ఉంటుంది. కావాలంటే సినిమా విడుదలయ్యాక చూడండి , ఇవన్నీ అందులో ఉంటాయి అంటూ చెప్పుకొచ్చాడు. అంతే కాదు తమ ఇంటికి కొంత మంది స్క్రిప్ట్ రైటర్లు వచ్చి , ఇతని వద్ద ఉన్నటువంటి కథ ని తీసుకెళ్లిన వీడియోలను కూడా సోషల్ మీడియా లో షేర్ చేసాడు ఈ వ్యక్తి.
ఈ వీడియో ఇప్పుడు బాగా వైరల్ అవ్వడం తో ఆంధ్ర ప్రదేశ్ లోని కర్నూల్ కి చెందిన కథ తో , తెలంగాణ బ్యాక్ డ్రాప్ అని చెప్పి డైరెక్టర్ శ్రీకాంత్ ఓదెల ఇలా తీస్తున్నాడా అంటూ సోషల్ మీడియా లో నెటిజెన్స్ నుండి కామెంట్స్ వినిపిస్తున్నాయి. అసలు ఈ వ్యక్తి చేసిన కామెంట్స్ లో ఎంత నిజముంది?, ఈ కామెంట్స్ పై మూవీ టీం రెస్పాన్స్ ఇస్తుందా?, ఒకవేళ ఈ వ్యక్తి చెప్పేది నిజమైతే కోర్టు కి వెళ్లి కేసు వేయొచ్చు కదా, ఎందుకు వీడియోలు చేస్తున్నాడు అంటూ పలువురు ఇతన్ని విమర్శిస్తున్నారు. మరి ఏది నిజమో , ఏది అబద్దమో కాలమే నిర్ణయించాలి.
