Allu Arjun: ‘పుష్ప 2’ వంటి సెన్సేషనల్ బ్లాక్ బస్టర్ తర్వాత ఐకాన్ స్టార్ అల్లు అర్జున్ చేస్తున్న చిత్రం ‘రాకా’. తమిళ టాప్ డైరెక్టర్స్ లో ఒకరైన అట్లీ ఈ చిత్రానికి దర్శకత్వం వహిస్తున్నారు. శరవేగంగా షూటింగ్ కార్యక్రమాలను జరుపుకుంటున్న ఈ చిత్రం పై సోషల్ మీడియా లో చాలా రూమర్స్ చక్కర్లు కొడుతున్నాయి. అల్లు అర్జున్ ఇప్పటి వరకు తీసిన మూవీ ఔట్పుట్ పై సంతృప్తి గా లేరని , పదే పదే రీ షూట్స్ చేయాల్సిన పరిస్థితి వస్తుందని , ఆ కారణం చేత ఆయన సహనం నశిస్తుందని , పలు సార్లు షూటింగ్ సెట్స్ లో తన అసహనాన్ని కూడా వ్యక్తం చేసారని , ఈ సినిమా కమర్షియల్ గా వర్కౌట్ అవ్వదు అనే ఫీలింగ్ తోనే వెంటనే ఆయన లోకేష్ కనకరాజ్ తో మరో సినిమా కమిట్ అయ్యారని , ఇలా రకరకాల రూమర్స్ చక్కర్లు కొట్టాయి.
ఇప్పుడు లేటెస్ట్ గా వినిపిస్తున్న మాట ఏమిటంటే , అల్లు అర్జున్ డైరెక్టర్ అట్లీ కి ఒక స్ట్రాంగ్ డెడ్ లైన్ పెట్టారట. డిసెంబర్ నుండి తాను లోకేష్ కనకరాజ్ మూవీ కి షిఫ్ట్ అవుతానని , అప్పటి లోపు ఎట్టి పరిస్థితి లోనూ ‘రాకా’ మూవీ షూటింగ్ ని పూర్తి చెయ్యాలని , అంతకు మించి ఈ సినిమాకు కాల్ షీట్స్ ఇచ్చే ప్రసక్తే లేదని చాలా బలమైన వార్నింగ్ ఇచ్చారట. దీంతో మూవీ టీం ఎలా అయినా షూటింగ్ ని డెడ్ లైన్ లోపు పూర్తి చెయ్యాలని ప్లాన్ చేస్తున్నారట. ప్రస్తుతం ఈ చిత్రానికి సంబంధించిన షూటింగ్ ముంబై లో జరుగుతోంది. అల్లు అర్జున్ మరియు ఇతర తారాగణం పై పలు కీలక సన్నివేశాలను చిత్రీకరిస్తున్నారు. మరోపక్క అల్లు అర్జున్ రీసెంట్ గానే ముంబై లో లోకేష్ కనకరాజ్ మూవీ కోసం స్పెషల్ ఫోటో షూట్ చేశారట.
షూటింగ్ మొదలయ్యే ముందు అభిమానులకు ఈ స్పెషల్ వీడియో ని సర్ప్రైజ్ గిఫ్ట్ గా ఇచ్చే ప్లాన్ లో ఉన్నారట లోకేష్ కనకరాజ్. ఇది ఆయన మార్క్ అనే చెప్పాలి , ప్రతీ సినిమా షూటింగ్ మొదలయ్యే ముందు హీరోలతో ఆయన స్పెషల్ వీడియో షూట్ ఒకటి చేస్తారు. వాటిని షూటింగ్ ప్రారంభానికి ముందు విడుదల చేస్తుంటారు. ఇప్పుడు కూడా అదే చేశారు. ఈ వీడియో తోనే అభిమానుల్లో విపరీతమైన అంచనాలు ఏర్పాటు అయ్యేలా ప్లాన్ చేస్తున్నారు. ప్రస్తుతానికి ఈ సినిమాకు సంబంధించిన పోస్ట్ ప్రొడక్షన్ వర్క్ శరవేగంగా సాగుతోంది. త్వరలోనే ఈ చిత్రం లో నటించబోయే ఇతర నటీనటులు , టెక్నీషియన్స్ వివరాలను అధికారికంగా చెప్పనున్నారు.
