Anirudh Ravichander: బక్కోడు అనిరుధ్ రవిచంద్రన్ కు విపరీతమైన ఫ్యాన్ ఫాలోయింగ్ ఉంటుంది.. టాలీవుడ్ నుంచి మొదలుపెడితే కోలీవుడ్ వరకు ఆయన ఎన్నో సినిమాలకు సంగీతం అందించారు. కొన్ని సందర్భాలలో క్యామియో గా కూడా కనిపించారు. అనిరుధ్ సంగీత దర్శకత్వం వహించిన సినిమాలు అన్నీ కూడా చార్ట్ బస్టర్ ల గా నిలిచాయి. కథ గొప్పగా లేకపోయినప్పటికీ.. స్క్రీన్ ప్లే అంతగా ఆకట్టుకోలేకపోయినప్పటికీ.. తన పాటల ద్వారా ఆయన ఎన్నో సినిమాలను హిట్ లను చేశారు.
ఉదాహరణకు రజనీకాంత్ నటించిన కూలీ.. పేట.. వంటి సినిమాలు కేవలం అనిరుధ్ సంగీతం అందించడం వల్లే ఆ స్థాయిలో హిట్ లు గా నిలిచాయి.. అనిరుధ్ అందించే సంగీతం చాలా భిన్నంగా ఉంటుంది. ఆయన రూపొందించే పాటలు కూడా అదే స్థాయిలో ఉంటాయి. పాప్.. వెస్ట్రన్.. క్లాసికల్.. మాస్.. ఇలా అన్ని బీట్లు ఆయన ఏకకాలంలో వాయించగలరు. ఆడియోస్ నాడి పట్టుకుని మెప్పించగలరు.
అనిరుధ్ ఉత్సాహానికి ప్రతీక. లెజెండరీ నటుడు రజనీకాంత్ సతీమణి సోదరుడి కుమారుడే ఈ అనిరుధ్.. వై దిస్ కొలైవరి పాట ద్వారా ఒక్కసారిగా సెన్సేషన్ క్రియేట్ చేశాడు. ఆ తర్వాత సెన్సేషనల్ రాక్ స్టార్ లాగా గుర్తింపు పొందాడు. అనిరుధ్ ది రోమియో టైప్ క్యారెక్టర్. ఇతడికి అనేకమంది అఫైర్లు ఉన్నాయని అప్పట్లో వార్తలు వచ్చాయి.. ముఖ్యంగా ప్రముఖ నటి.. సింగర్ తో అత్యంత క్లోజ్ గా ఉన్న ఫోటోలు అప్పట్లో సోషల్ మీడియాను షేక్ చేశాయి.. ఆ తర్వాత చాలామంది నటీమణులతో ఇతడికి రిలేషన్ ఉందని వార్తలు వచ్చాయి.
ఇక ఇటీవల కాలంలో సన్ రైజర్స్ ఓనర్ కావ్య మారన్ తో ఇతడు ప్రేమలో ఉన్నాడని సోషల్ మీడియాలో ప్రచారం చేయడం మొదలైంది. దీనిపై ఎప్పటికప్పుడు వారిద్దరు ఖండించుకుంటూ వచ్చారు. పైగా సన్ పిక్చర్స్ రూపొందించే ప్రతి సినిమాకు దాదాపుగా అనిరుధ్ సంగీత దర్శకత్వం వహించడం మొదలుపెట్టాడు. దీనిని దృష్టిలో పెట్టుకొని చాలామంది వారిద్దరికీ ఏదో ఉంది అనే విధంగానే కామెంట్లు చేయడం మొదలుపెట్టారు. అయితే చివరికి నిన్న సాయంత్రం దాకా తెలంగాణ ముఖ్యమంత్రి రేవంత్ రెడ్డికి వివాహ ఆహ్వాన పత్రికలు ఇచ్చేంతవరకు ఈ విషయాన్ని గోప్యంగానే ఉంచారు. తెలంగాణ సీఎంవో అఫీషియల్ సోషల్ మీడియా హ్యాండిల్స్ లో ఫోటోలు బయటికి రావడంతో.. వీరిద్దరి పెళ్లి ఖాయమని అందరికీ అర్థమయిపోయింది.
కళానిధి వేల కోట్ల ఆస్తులకు కావ్య ఒక్కతే వారసురాలు. పైగా ఆమె ఇంట్రావర్ట్. తన ఆస్తులను చూసుకోవడానికి.. సరైన వ్యక్తి కోసం కళానిధి చాలా సంవత్సరాలుగా చూస్తున్నాడు. చివరికి కావ్యకు తగ్గ జోడి అనిరుధ్ అని ఫిక్సయ్యాడు. పైగా రజనీకాంత్ లాంటి పెద్దలతో ఈ వ్యవహారాన్ని చర్చించి.. చివరికి పెళ్లిని ఓకే చేసినట్టు వార్తలు వస్తున్నాయి. ఇదంతా కూడా ఒక బిజినెస్ డీల్ లాగే ఉందని.. సినీ విశ్లేషకులు అంటున్నారు. బయట వ్యక్తి వస్తే.. వేలకోట్ల సామ్రాజ్యం ఆగమవుతుందని.. అందువల్లే కావ్యను అనిరుధ్ కు ఇస్తున్నారని ప్రచారం జరుగుతోంది.
