Vaibhav Suryavanshi: బుడ్డోడు కదా అని ట్రోల్ చేశారు. 15 సంవత్సరాల బాలుడే కదా అంటూ పరిహాసమాడారు. వాళ్లకు తెలియదు కదా వాడొక డైనమైటని.. తిక్క రేగితే తిత్తి తీస్తాడని.. చివరికి అర్థమైంది.. కాకపోతే ఆలస్యంగా.. ఆ బుడ్డోడికి తిక్క రేగింది.. లెజెండ్ సినిమాలో బాలయ్య గనుక జగపతిబాబు మీదికి వెళ్ళినట్టు దూసుకుపోయాడు. కొంతలో తప్పిపోయింది.. లేకుంటే నా శాల్తీలు గల్లంతయ్యేవి.
అసలే శ్రీలంక సిరీస్ లో వైభవ్ సూర్య వంశీ అంచనాలకు తగ్గట్టుగా ఆడటం లేదు. రెండు మ్యాచ్లలో తన ప్రతాపాన్ని అతడు చూపించలేకపోయాడు. పైగా టీమిండియా ఓడిపోయింది. సూపర్ ఓవర్లో శ్రీలంక ముందు తలవంచింది.. సరిగా ఆడలేక పోయాను అనే బాధ.. సూపర్ ఓవర్ లో టీమిండియా ఓడిపోయిందనే కోపం.. ఇవన్నీ సూర్య వంశీలో తీవ్రస్థాయిలో అసహనం పెంచాయి. మిగతా ప్లేయర్లు ఓటమిని సహజంగా తీసుకుంటారు. కానీ సూర్య వంశీ అలా కాదు. అతడికి ప్రతి మ్యాచ్లో గెలవాలని మాత్రమే ఉంటుంది.. ఓటమిని అసలు ఒప్పుకోడు. బహుశా 15 సంవత్సరాల వయసు కాబట్టి.. అలానే ఉంటుందేమో.
అతడి గురించి తెలియక.. శ్రీలంక ప్లేయర్లు గేలి చేశారు. బుడ్డోడు అంటూ ఆటపట్టించారు. అతడికి తిక్క రేగింది. బుల్డోజర్ లాగా దూసుకుపోయాడు. శ్రీలంక ప్లేయర్లను ఒక తొక్కుడు తొక్కాలని అనుకున్నాడు. ఈ సమయంలోనే శ్రీలంక కీపర్ అడ్డంగా వచ్చి.. సూర్యవంశీని సముదాయించాడు. దీంతో గొడవ ఆగిపోయింది. తుఫాను తేలిపోయింది. సునామి ప్రశాంతతను పొందింది. లేకుంటే నా సినిమా వేరే తీరుగా ఉండేది. ఆ తర్వాత సూర్య వంశీ ఏదో తిట్టుకుంటూ లోపలికి వెళ్ళిపోయాడు. దీనికి సంబంధించిన దృశ్యాలు సోషల్ మీడియాలో ఒక రేంజ్ లో తిరుగుతున్నాయి. ఇది కదా మాకు కావాల్సింది అంటూ టీమిండియా అభిమానులు వైభవ్ సూర్య వంశీ మీద ప్రశంసలు కురిపిస్తున్నారు.
Vaibhav Sooryavanshi…. pic.twitter.com/mG8qwuSXlT
— ft.sujith_nani_ (@sujithdotcode) June 15, 2026
