లవ్ స్టోరీ కోసం నాని ‘టక్ జగదీష్’ వాయిదా?

శివ నిర్వాణ గత చిత్రాలు రెండు మంచి విజయాలు సాధించాయి. ఆయన డెబ్యూ మూవీ నిన్ను కోరిలో నాని హీరోగా నటించారు. ఇక గత ఏడాది నాగ చైతన్య హీరోగా విడుదలైన మజిలీ మంచి విజయాన్ని అందుకుంది. మూడో చిత్రంగా శివ నిర్వాణ టక్ జగదీష్ తెరకెక్కిస్తున్నారు. విజయాల పరంగా వెనుకబడ్డ నాని ఈ ప్రాజెక్ట్ పై చాలా అశలే పెట్టుకున్నారు. నాని లేటెస్ట్ రిలీజ్ ‘వి’ భారీ అంచనాల మధ్య విడుదలై ప్రేక్షకులను నిరుత్సాహ పరిచింది. దీనితో టక్ జగదీష్ తో హిట్ కొట్టి మంచి కమ్ బ్యాక్ ఇవ్వాలనుకుంటున్నారు.

Also Read: చైతన్య మెసేజ్ కు నిహారిక కన్నీళ్లు… !

రీతూ వర్మ, ఐశ్వర్య రాజేష్ హీరోయిన్స్ గా నటిస్తున్న ఈ మూవీలో జగపతిబాబు కీలక రోల్ చేస్తున్నారు. రెగ్యులర్ షూటింగ్ జరుపుకుంటున్న ఈ చిత్రం షైన్ స్క్రీన్ బ్యానర్ పై తెరకెక్కుతుంది. యంగ్ సెన్సేషన్ థమన్ సంగీతం అందిస్తున్నారు.

కాగా నాని మరో రెండు చిత్రాలలో నటిస్తున్న సంగతి తెలిసిందే. శ్యామ్ సింగరాయ్, అంటే సుందరానికి అనే మరో రెండు చిత్రాలు నాని చేయాల్సి వుంది. అంటే సుందరానికి చిత్రాన్ని మైత్రి మూవీ మేకర్స్ నిర్మిస్తుండగా, దర్శకుడు వివేక్ ఆత్రేయ తెరకెక్కించనున్నారు.

Also Read: ‘ఆర్ఆర్ఆర్’ రిలీజ్ డేట్ వచ్చేసింది .. ఆనందంలో ప్యాన్స్ !

నాని ‘టక్ జగదీష్ ’ తాజాగా ఏప్రిల్ 16న రిలీజ్ అవుతుందని పోస్టర్ కూడా వేశారు. కానీ ఇప్పుడు మరో వారం వాయిదా పడే సూచనలు కనిపిస్తున్నాయి. ఇదే రోజు శేఖర్ కమ్ముల ‘లవ్ స్టోరీ’ సినిమాను విడుదల చేస్తున్నారు. దిల్ రాజు నిర్మిస్తున్న ఈ మూవీ కోసం నాని ‘టక్ జగదీష్’ ఒక వారం వెనక్కు జరిగే అవకాశం కనిపిస్తోంది.

లవ్ స్టోరీని నిర్మాత సునీల్ నారంగ్ నైజాంలో పంపిణీ చేస్తున్నారు. ఆయన చేతిలోనే థియేటర్లు అన్నీ దాదాపుగా ఉన్నాయి. ఈ క్రమంలోనే టక్ జగదీస్ ను వారం వెనక్కి జరిపే దిశగా చర్చలు జరుగుతున్న ప్రచారం సాగుతోంది.

మరిన్ని సినిమా వార్తల కోసం టాలీవుడ్ న్యూస్