Samantha vs Naga Chaitanya : ఒకే ఒక్క దెబ్బతో సమంత తనని విమాశ్రయించేవాళ్ల నోరు మూయించడం తో పాటు , వ్యక్తిగతంగా , కెరీర్ పరంగా ఎప్పుడూ చూడనంత సంతోషాన్ని చూసింది. ఆమెని అభిమానించే వాళ్లకు సమంత గూస్ బంప్స్ మూమెంట్స్ ఇచ్చింది అనే చెప్పాలి. పూర్తి వివరాల్లోకి వెళ్తే రీసెంట్ గానే ఆమె ‘మా ఇంటి బంగారం’ అనే చిత్రం చేసిన సంగతి తెలిసిందే. భారీ అంచనాల నడుమ జూన్ 19 న విడుదలైన ఈ చిత్రం బాక్స్ ఆఫీస్ వద్ద సెన్సేషనల్ వసూళ్లను రాబడుతూ , ట్రేడ్ పండితులను సైతం ఆశ్చర్యానికి గురయ్యేలా చేసింది. ఈ ఏడాది ఇప్పటి వరకు విడుదలైన సినిమాల్లో , అత్యధిక లాభాలను రాబట్టిన ఏకైక సినిమాగా ఈ చిత్రం సరికొత్త రికార్డు ని నెలకొల్పింది. అందుకు కారణం ప్రీ రిలీజ్ బిజినెస్ తక్కువకి చేయడం వల్లే.
బయ్యర్స్ కి పెట్టిన ప్రతీ పైసాకు కేవలం 10 రోజుల్లోనే మూడింతల లాభాలను రాబట్టింది ఈ చిత్రం. ఇకపోతే ఈ సినిమాతో సమంత మరోసారి తాను అక్కినేని ఫ్యామిలీ కంటే చాలా పెద్ద స్టార్ అని నిరూపించుకుంది. ముఖ్యంగా తన స్టార్ స్టేటస్ నాగ చైతన్య ని మించినది అని సమంత ఈ చిత్రం తో అందరికీ అర్థం అయ్యేలా చేసింది. నాగ చైతన్య హీరో గా నటించిన ‘తండేల్’ చిత్రం బాక్స్ ఆఫీస్ వద్ద దాదాపుగా 54 కోట్ల రూపాయిల షేర్ వసూళ్లు , 100 కోట్ల రూపాయిల గ్రాస్ వసూళ్లను రాబట్టి , ఆయన కెరీర్ లోనే బిగ్గెస్ట్ బ్లాక్ బస్టర్ గా నిల్చింది. ఇక సమంత నటించిన ‘మా ఇంటి బంగారం’ చిత్రం కేవలం 10 రోజుల్లోనే 75 కోట్ల రూపాయలకు పైగా గ్రాస్ వసూళ్లను రాబట్టి సెన్సేషన్ సృష్టించింది. ఈ వీకెండ్ తో కచ్చితంగా 100 కోట్ల గ్రాస్ మార్కు ని దాటుతుందని మేకర్స్ బలంగా చెప్తున్నారు.
అదే కనుక జరిగితే ‘తండేల్’ మూవీ రికార్డు పోయినట్టే. ‘తండేల్’ చిత్రం లో హీరోయిన్ సాయి పల్లవి అనే విషయం అందరికీ తెలిసిందే. ఈమెకు కూడా ప్రత్యేకమైన స్టార్ స్టేటస్ ఉంది కాబట్టి , ‘తండేల్’ కలెక్షన్స్ సోలో నాగ చైతన్య సినిమా అనే లెక్కల్లోకి రాదు , కానీ ‘మా ఇంటి బంగారం’ మాత్రం సోలో సమంత మూవీ లెక్కల్లోకి వస్తుంది. అంతే కాదు , ఈ సినిమా షూటింగ్ సమయం లోనే ఆమె గర్భం దాల్చింది అట. అప్పట్లో సమంత , నాగ చైతన్య విడాకులకు కారణం ఆమె ప్రెగ్నన్సీ అయ్యేందుకు ఒప్పుకోకపోవడమే అని పెద్ద ప్రచారమే జరిగింది. కానీ ఇప్పుడు గర్భం దాల్చి తన తప్పేమి లేదని ప్రజలకు చెప్పకనే చెప్పింది. ఇలా తనపై ఉన్న రూమర్స్ కి చెక్ పెడుతూనే , మరోపక్క కెరీర్ పరంగా భారీ బ్లాక్ బస్టర్ ని అందుకొని లేడీ సూపర్ స్టార్ గా తన స్థానాన్ని పదిలం చేసుకుంది సమంత.
