Pawan Kalyan: పవన్ ఒక విలక్షణ నాయకుడు. రాజకీయాన్ని రాజకీయంలా మాత్రమే చేయాలని బలంగా కోరుకుంటారు. ఆయనకు కుట్రలు తెలియవు.. కుతంత్రాలు అంతకన్నా తెలియవు. ఎత్తులు తెలియదు.. తెలిసినా వాటి జోలికి వెళ్లే మనస్తత్వం కాదు. జనాలకు అండగా ఉండడం.. జనాల సమస్యలకు పరిష్కారం చూపించడం మాత్రమే రాజకీయమని బలంగా నమ్మే నాయకుడు పవన్ కళ్యాణ్. రాజకీయాల కోసమే తాను సినిమాల్లో నటిస్తున్నానని నిర్మొహమాటంగా చెప్పగల ధైర్యశాలి ఆయన.
పవన్ కళ్యాణ్ రాజకీయ బాధితుడే. ఇప్పుడు వైసీపీ బాధితుడు. గత ఎన్నికలకు ముందు టిడిపి బాధితుడు. 2019 ఎన్నికల్లో ఒంటరిగా పోటీకి దిగారు. ఆ సమయంలో టిడిపి శ్రేణులు, టిడిపి అనుకూల మీడియా పవన్ టార్గెట్ చేస్తూ గుప్పించిన విమర్శలు అన్నీ ఇన్నీ కావు.ఇప్పుడు అదే టిడిపికి పవన్ ఆశాకిరణంగా మారిపోయారు. సినిమా స్టార్లు తమక అవసరం లేదన్న నోరే.. ఇప్పుడు పవన్ తమకు పెద్దన్న అని సౌండ్ చేస్తుంది. ఇది కదా సేనాని రేంజ్ అంటూ జన సైనికులు గర్వంతో కనిపిస్తున్నారు. పార్ట్ టైం రాజకీయ నాయకుడు అని ఇన్నాళ్లు విమర్శలు ఎదుర్కొన్న పవన్.. తాను రంగంలోకి దిగితే రేంజ్ ఎలా ఉంటుందో అని చేసి చూపించారు.
చంద్రబాబు అరెస్ట్ తర్వాత టిడిపి శ్రేణులు తీవ్ర నిరాశలో కూరుకు పోయాయి. ఇటువంటి సమయంలో లోకేష్ అన్నా అని పిలిచిన వెంటనే.. నేనున్నా అంటూ పవన్ ముందుకొచ్చిన తీరుపై తెలుగుదేశం పార్టీ ఫిదా అవుతోంది. టిడిపి అనుకూల మీడియా అయితే ఏకంగా పవన్ కు సెల్యూట్ చేసింది. అసాధారణ పోరాట పటిమ చూపిస్తున్నారని.. కష్టకాలంలో ఉన్న మిత్రుడ్ని అండగా నిలిచారని కృతజ్ఞత చెబుతోంది. విమర్శనాత్మక కథనాలతో పవన్ ను పలుచన చేయాలని చూసిన మీడియా ఇప్పుడు పవన్ కు సాగిలాల పడుతోంది. ఇది కదా అసలు విజయం అని జనసైనికులు సంబరాలు చేసుకుంటున్నారు.
పవన్ తాజా ప్రకటనతో ఎన్నో రకాల అనుమానాలు పటాపంచలు అయ్యాయి. తమ పార్టీ ఎదగడానికి ఒక అవకాశంగా దీనిని మలుచుకోకుండా.. సాటి మిత్రపక్ష నాయకుడు కష్టాల్లో ఉన్నప్పుడు ఒక పెద్దన్నల పవన్ వ్యవహరించిన తీరు టిడిపి శ్రేణులను సైతం ఆకట్టుకుంటుంది. అటు తెలుగుదేశం పార్టీ అనుకూల మీడియాలో సైతం ఆలోచన తెచ్చిపెడుతోంది. ఇంతవరకు పవర్ షేరింగ్ విషయంలో ఆలోచించిన టిడిపి నుంచి కూడా పవన్ కు మద్దతు లభిస్తోంది. పవన్ కు సీఎం పదవిలో వాటా ఇస్తే అభ్యంతరం ఏమిటన్న ప్రశ్న ఉత్పన్నమవుతోంది. మొత్తానికైతే పవన్ యుద్ధ ప్రకటన తెలుగు రాష్ట్రాల్లో రాజకీయ ప్రకంపనలు రేపుతోంది.
