Tholiprema Re-release : రీసెంట్ సమయం లో రీ రిలీజ్ ట్రెండ్ మన టాలీవుడ్ లో ఏ రేంజ్ లో కొనసాగుతుందో ప్రత్యేకించి చెప్పనక్కర్లేదు. మన స్టార్ హీరోల కెరీర్స్ లో కల్ట్ క్లాసిక్స్ గా నిల్చిన కొన్ని సినిమాలను 4K క్వాలిటీ కి మార్చి ప్రపంచవ్యాప్తంగా గ్రాండ్ గా రీ రిలీజ్ చేస్తున్నారు.అలా రీ రిలీజ్ అయినా చిత్రాలలో ఇప్పటి వరకు అన్నీ సినిమాలకంటే అత్యధిక వసూళ్లను రాబట్టిన సినిమాగా పవన్ కళ్యాణ్ ‘ఖుషి’ చిత్రం నిల్చింది. ఈ సినిమాని గత ఏడాది డిసెంబర్ 31 వ తారీఖున గ్రాండ్ గా రీ రిలీజ్ చేసారు.
ఈ సినిమాకి అప్పట్లో ఎలాంటి మేనియా ఉన్నింది అంటే, పవన్ కళ్యాణ్ కొత్త సినిమా విడుదల అయితే ఎలాంటి మేనియా, ఎలాంటి హంగామా ఉంటుందో, అలాంటి హుంగామ ఉన్నింది. టికెట్స్ కూడా యుద్దాలే జరిగాయి. ఆ రేంజ్ క్రేజ్ ఉంది కాబట్టే ఈ సినిమాకి మొదటి రోజు 4 కోట్ల 20 లక్షల రూపాయిల గ్రాస్ వసూళ్లు వచ్చింది. ఫుల్ రన్ లో 7 కోట్ల 70 లక్షల రూపాయిల గ్రాస్ ని వసూలు చేసినట్టు ట్రేడ్ పండితుల అంచనా.
ఈ సినిమా రికార్డ్స్ ని బద్దలు కొట్టడానికి ఇతర హీరోలు చాలా ప్రయత్నాలే చేసారు, కానీ కనీసం దరిదాపుల్లోకి కూడా రాలేకపోయారు. ఇప్పుడు ఈ చిత్రం వసూళ్లను మళ్ళీ పవన్ కల్యాణే బద్దలు కొట్టబోతున్నాడా? అంటే అవుననే అంటున్నారు ట్రేడ్ పండితులు. ఆయనని స్టార్ హీరో గా నిలబెట్టిన ఆల్ టైం క్లాసికల్ లవ్ స్టోరీ తొలిప్రేమ చిత్రం ఈ నెల 30 వ తారీఖుతో విడుదలై 25 సంవత్సరాలు పూర్తి చేసుకున్న సందర్భంగా గ్రాండ్ గా మరో రీ రిలీజ్ చెయ్యబోతున్నారు. అయితే ఇది థర్డ్ పార్టీ కి సంబంధించిన సినిమా కావడం తో, ఇలాంటి వారిని ప్రోత్సహించకూడదు అనే ఉద్దేశ్యం తో ఈ చిత్రాన్ని బ్యాన్ చేస్తున్నాం అంటూ సోషల్ మీడియా లో భారీ ఎత్తున ప్రమోట్ చేసారు.
నిన్న ఈ సినిమాకి సంబంధించి కొన్ని షోస్ కి అడ్వాన్స్ బుకింగ్స్ ప్రారంభించారు, ఈ అడ్వాన్స్ బుకింగ్స్ కి ఆడియన్స్ నుండి అద్భుతమైన రెస్పాన్స్ వచ్చింది. ఇప్పటి వరకు హైదరాబాద్ లో మూడు షోస్ యాడ్ చేస్తే ఆ మూడు షోస్ కూడా హౌస్ ఫుల్ అయ్యాయి. ఇదే ఇప్పుడు అందరినీ ఆశ్చర్యానికి గురి చేస్తున్న విషయం, మరి ఈ సినిమా అనుకున్నట్టుగానే బాక్స్ ఆఫీస్ వద్ద సెన్సేషన్ సృష్టించి ఖుషి రికార్డ్స్ ని బద్దలు కొడుతుందో లేదో చూడాలి.
