Sandeep Vanga – Deepika Padukone : ప్రభాస్(Rebel Star Prabhas), సందీప్ వంగ(Sandeep Reddy Vanga) కాంబినేషన్ లో ‘స్పిరిట్'(Spirit Movie) అనే చిత్రం త్వరలోనే తెరకెక్కబోతుంది అనే సంగతి మన అందరికీ తెలిసిందే. ఈ సినిమా పై కేవలం ప్రభాస్ అభిమానుల్లోనే కాదు, ఆడియన్స్ లో కూడా అంచనాలు తారా స్థాయిలో ఉన్నాయి. ఎందుకంటే సందీప్ వంగ మేకింగ్ స్టైల్ నేటి తరం యువతకు పిచ్చెక్కిపోయేలా చేస్తూ ఉంటుంది. ఆయన గత చిత్రం యానిమల్ దేశవ్యాప్తంగా ఎలాంటి ప్రకంపనలు రేపిందో ప్రత్యేకించి చెప్పనవసరం లేదు. ఇదంతా పక్కన పెడితే వ్యక్తిగతంగా సందీప్ వంగ ని ఇష్టపడే వాళ్ళు చాలా మంది ఉంటారు. ఆయన తీరు చాలా యాటిట్యూడ్ తో ఉంటుంది. తేడా అనిపిస్తే ఎంతటి వారిని అయినా లెక్క చేయడు. నిర్మొహమాటంగా మాట్లాడేస్తూ ఉంటాడు. రీసెంట్ గానే ఈ సినిమాలో దీపికా పదుకొనే(Deepika Padukone) ని హీరోయిన్ గా ఎంచుకున్నట్టు వార్తలు వినిపించిన సంగతి తెలిసిందే.
ఆ తర్వాత ఆమె డిమాండ్స్ కి సందీప్ వంగ ఇష్టపడకపోవడంతో, దీపికా ఈ చిత్రం నుండి వాకౌట్ చేసినట్టు వార్తలు వినిపించాయి. ఒక సినిమా కి ఒక నటిని కానీ నటుడిని కానీ ఎంచుకోవడం, ఆ తర్వాత ఎందుకో కొన్ని కారణాల చేత వాళ్ళని ఆ ప్రాజెక్ట్ నుండి తప్పించడం అనేది ఏ ఇండస్ట్రీ లో కూడా కొత్త కాదు. చాలా సాఫీగా సాగిపోయే వ్యవహారాలు ఇవి. ఎప్పుడూ కూడా వీటిపై ఎలాంటి చర్చ జరగలేదు. అయితే సందీప్ వంగ, దీపికా మధ్య కేవలం క్రియేటివ్ డిఫరెన్స్ మాత్రమే కాదు, వ్యక్తిగతంగా కూడా గొడవలు జరిగినట్టుగా అనిపిస్తున్నాయి. నిన్న రాత్రి సందీప్ వంగ వేసిన ఒక ట్వీట్ సోషల్ మీడియా లో ప్రకంపనలు పుట్టించాయి. దీపికా పదుకొనే పేరుని నేరుగా ప్రస్తావిస్తూ ఆయన మాట్లాడలేదు కానీ, పరోక్షంగా ఆమె పైనే సెటైర్లు వేసినట్టు అందరికీ అర్థమైంది.
ఇంతకీ సందీప్ ఏమి మాట్లాడాడో ఒకసారి చూద్దాం. ‘నేను ఒక నటుడికి లేదా నాటికీ కథ చెప్పేటప్పుడు, వాళ్లపై నూటికి నూరు శాతం నమ్మకం ఉంచుతాను. నేను చెప్పే కథ సదరు నటికి, లేదా నటుడికి నచ్చినా నచ్చకపోయినా ఆ కథని లీక్ చేసే హక్కు వాళ్లకు ఉండదు. దీనినే ‘నాన్ డిస్క్లోజర్ అగ్రిమెంట్’ అని అంటారు. కానీ నువ్వు దానిని ఉల్లగించావు. ఒక ఫిలిం మేకర్ గా ఏళ్ళ తరబడి ఒక కథ పై కూర్చొని కస్టపడి ఆ కథ మీద పని చేస్తుంటాను. ఫిలిం మేకింగ్ అనేది నాకు ఊపిరి లాంటిది. నీకు అది ఇప్పటికీ, ఎప్పటికీ అర్థం కాదు. కానీ నువ్వు చేసే ఈ సిల్లీ పీఆర్ టాక్టిక్స్ నా పై ఇసుమంత కూడా ప్రభావం చూపించదు’ అంటూ ఆయన మాట్లాడిన మాటలు సంచలనంగా మారాయి. చూస్తుంటే వీళ్ళ మధ్య గొడవలు ఏ స్థాయిలో జరిగాయో అర్థం అవుతున్నాయి. మరి దీపికా దీనిపై రెస్పాన్స్ ఇస్తుందో లేదో చూడాలి.
When I narrate a story to an actor, I place 100% faith. There is an unsaid NDA(Non Disclosure Agreement) between us. But by doing this, You've 'DISCLOSED' the person that you are….
Putting down a Younger actor and ousting my story? Is this what your feminism stands for ? As a…— Sandeep Reddy Vanga (@imvangasandeep) May 26, 2025
