Bloody Romeo: నేచురల్ స్టార్ నాని ప్రస్తుతం ‘ది ప్యారడైజ్’ మూవీ షూటింగ్ లో ఫుల్ బిజీ గా ఉన్న సంగతి అందరికీ తెలిసిందే. ఈ చిత్రం షూటింగ్ కార్యక్రమాలను పూర్తి చేసుకొని ఎప్పుడు విడుదల అవుతుందో ఎవ్వరూ చెప్పలేకపోతున్నారు. అంత నత్త నడకన ఈ సినిమా షూటింగ్ సాగుతోంది. ముందుగా ఈ చిత్రాన్ని మార్చి 26 న విడుదల చేద్దామని అనుకున్నారు. ఆ తర్వాత జూన్ లో విడుదల చెయ్యాలని అనుకున్నారు , ఇక రీసెంట్ గా ఆగస్టు 21 న విడుదల చేస్తామని అధికారికంగా చెప్పారు, కానీ ఇప్పుడు ఆ తేదీన కూడా ఈ చిత్రం విడుదల అవ్వడం లేదు. లేటెస్ట్ గా ఈ చిత్రాన్ని సెప్టెంబర్ 25 న విడుదల చెయ్యాలని ప్లాన్ చేస్తున్నారు. కానీ ఆ తేదీన కూడా వస్తుందా లేదా అనేది ప్రస్నార్ధకంగా మారింది.
దీంతో డైరెక్టర్ సుజిత్ తో ఆయన చెయ్యాలని అనుకున్న ‘బ్లడీ రోమియో’ చిత్రం కూడా అట్టకెక్కింది . భవిష్యత్తులో ఈ చిత్రం ఉండుందో లేదో తెలియదు కానీ , ప్రస్తుతానికి సుజిత్ ద్రుష్టి మొత్తం ‘ఓజీ 2’ మూవీ పై మరలించారు. ఈ ఏడాది నవంబర్ నెల నుండి ఈ చిత్రం షూటింగ్ ప్రారంభం కానుంది. ఇక నాని ‘ది ప్యారడైజ్ ‘ తర్వాత చేసే సినిమాని కూడా రీసెంట్ గానే లాక్ చేసుకున్నట్టు ఇండస్ట్రీ వర్గాల్లో వినిపిస్తున్న టాక్. ఈ ఏడాది సర్ప్రైజ్ హిట్ గా నిల్చిన ‘బ్లాస్ట్ జోన్’ చిత్రానికి దర్శకత్వం వహించిన సుభాష్ రాజ్, నాని ని కలిసి ఒక స్టోరీ ని వివరించారట. ఆ లైన్ నాని కి అద్భుతంగా నచ్చడంతో , వెంటనే ఓకే చెప్పారని , ఈ ఏడాది లోనే ఈ చిత్రం షూటింగ్ మొదలయ్యే అవకాశాలు ఉన్నాయని అంటున్నారు . త్వరలోనే ఈ చిత్రానికి సంబంధించిన అధికారిక ప్రకటన విడుదల కానుంది.
రీసెంట్ గానే బ్లాస్ట్ చిత్రం ఓటీటీ లో విడుదల అవ్వగా , ఇక్కడి ఆడియన్స్ నుండి కూడా అద్భుతమైన రెస్పాన్స్ వచ్చింది. రాబోయే రోజుల్లో సుభాష్ రాజ్ కూడా పాన్ ఇండియా లెవెల్ లో మంచి క్రేజ్ ని సొంతం చేసుకున్నా ఆశ్చర్యపోనక్కర్లేదు. ఒకవేళ నాని సినిమా హిట్ అయితే , రాబోయే రోజుల్లో టాలీవుడ్ లో ఈయనకు మంచి డిమాండ్ ఏర్పడే అవకాశాలు ఉన్నాయని అంటున్నారు విశ్లేషకులు.
