Jana Nayagan collections : తమిళనాడు ముఖ్యమంత్రి విజయ్ నటించిన లేటెస్ట్ చిత్రం ‘జన నాయగన్ ‘ నిన్న ప్రపంచవ్యాప్తంగా భారీ అంచనాల నడుమ విడుదలైంది. ‘భగవంత్’ కేసరి కి రీమేక్ గా తెరకెక్కిన ఈ చిత్రానికి మొదటి ఆట నుండే డిజాస్టర్ టాక్ వచ్చింది. కానీ విజయ్ చివరి చిత్రం కావడంతో , ఈ సినిమాకు ఓపెనింగ్ వసూళ్లు మాత్రం బాగానే వచ్చాయి. ప్రపంచవ్యాప్తంగా అన్ని ప్రాంతీయ భాషలకు కలిపి ఈ చిత్రానికి 80 కోట్ల రూపాయిల గ్రాస్ వసూళ్లు వచ్చినట్టు చెప్తున్నారు ట్రేడ్ పండితులు. విజయ్ రేంజ్ కి ఇది చాలా తక్కువే. కానీ విడుదలకు ముందే ఈ సినిమా లీక్ అయ్యింది, అనేక సార్లు వాయిదాలు పడుతూ వచ్చింది. ఆ కారణం చేత మామూలు ఆడియన్స్ ఈ చిత్రాన్ని పెద్దగా పట్టించుకోలేదు. ఈ మాత్రం ఓపెనింగ్స్ కూడా విజయ్ చివరి చిత్రం , ముఖ్యమంత్రి అయ్యాక విడుదల అవుతుండడం వల్లే, ఆ మాత్రం అయినా వచ్చింది.
లేదంటే కమర్షియల్ గా 50 కోట్ల గ్రాస్ వసూళ్లు రావడం కూడా కష్టమే అని అంటున్నారు ట్రేడ్ విశ్లేషకులు. ఇకపోతే ఈ సినిమా టాక్ ప్రభావం రెండవ రోజున చాలా గట్టిగానే పడింది. అడ్వాన్స్ బుకింగ్స్ ద్వారా ఇండియా వైడ్ గా ఈ చిత్రానికి 14 కోట్ల రూపాయిల గ్రాస్ వసూళ్లు వచ్చాయి. ఓవరాల్ గా లైవ్ ఆన్లైన్ ట్రాకింగ్ ద్వారా ఈ చిత్రానికి ఇప్పటి వరకు 18 కోట్ల గ్రాస్ వసూళ్లు నమోదు అయ్యాయి. సెకండ్ షోస్ ముగిసేసరికి 22 కోట్ల రూపాయిల గ్రాస్ వసూళ్లు నమోదు అవ్వొచ్చు. ఆంధ్ర ప్రదేశ్ , తెలంగాణ లలో మొదటి రోజే ఈ చిత్రానికి ఓపెనింగ్స్ ఘనంగా రాలేదు, ఇక రెండవ రోజు అయితే రెంట్స్ కూడా రీకవర్ అవ్వని పరిస్థితి.
విజయ్ కి కంచు కోటగా పిలవబడే కేరళ లో కూడా ఈ చిత్రానికి పెద్దగా వసూళ్లు నమోదు అవ్వడం లేదు. విజయ్ కెరీర్ లోనే బిగ్గెస్ట్ డిజాస్టర్ గా ప్రాంతం లో వసూళ్లు నమోదు అయ్యేలా కనిపిస్తోంది. అదే విధంగా ఓవర్సీస్ లో కూడా రెండవ రోజు వసూళ్లు దారుణంగా పడిపోయాయి. ఓవరాల్ గా వరల్డ్ వైడ్ గా ఈ చిత్రానికి రెండవ రోజున 25 కోట్ల రూపాయిల గ్రాస్ వసూళ్లు మాత్రమే నమోదు అయ్యే సూచనలు కనిపిస్తున్నాయట. ఇండియా మొత్తం మీద ఈ చిత్రానికి డీసెంట్ వసూళ్లు రెండవ రోజు నమోదు అవుతున్న ప్రాంతం తమిళనాడు మాత్రమే. ఇక్కడి నుండి రెండవ రోజున 10 కోట్ల రూపాయలకు పైగా గ్రాస్ వసూళ్లు వస్తాయని అంటున్నారు ట్రేడ్ విశ్లేషకులు.
