Bigg Boss Telugu 8: బిగ్ బాస్ హౌస్ లోకి అడుగుపెట్టిన యాంకర్ శ్రీముఖి..’టికెట్ టు ఫినాలే’ బ్యాడ్జ్ గెలిచిన అవినాష్!

Bigg Boss Telugu 8:   ఈ సీజన్ లో ‘టికెట్ టు ఫినాలే’ టాస్కులు ఆడియన్స్ కి కనీస స్థాయి కిక్ ని కూడా ఇవ్వలేదు. చాలా సింపిల్ గా సరదాగా జరిగిపోయాయి. గత సీజన్ లో ‘టికెట్ టు ఫినాలే’ టాస్కులు ఎంత అద్భుతంగా జరిగాయో మనమంతా చూసాము. ప్రతీ రౌండ్ కూడా ఎంతో ఉత్కంఠ భరితంగా సాగింది. అర్జున్, పల్లవి ప్రశాంత్, అమర్ దీప్ వంటి వాళ్ళు ఈ టికెట్ టు ఫినాలే టాస్కుల్లో తమ విశ్వరూపం చూపించి షైన్ అయ్యారు. ఈ సీజన్ లో ‘టికెట్ టు ఫినాలే’ టాస్కులు అందులో పావు శాతం కూడా లేదు. సీజన్ మొత్తం మీద ఎంతో ఫైర్ మీద జరగాల్సిన ఈ టాస్కులు చాలా చప్పగా సాగాయి. సంచాలక్స్ గా పాత సీజన్ కంటెస్టెంట్స్ హౌస్ లోపలకు వచ్చి టాస్కులు నిర్వహించడమే అందుకు కారణం అని చెప్పొచ్చు. వాళ్ళతో గొడవలు పడడం కష్టం, ఎందుకంటే వాళ్ళు అతిథులు కాబట్టి.

టాస్కులు కూడా పెద్దగా కష్టమైనవి కావు. రోజుకి రెండు టాస్కులు నిర్వహించారు,మొదటి టాస్కులో గెలిచిన వారికి రెండవ టాస్కు ఆడేందుకు ప్రత్యేకమైన ప్రయోజనాలు ఉంటాయి. ఆ ప్రయోజనాల కారణంగా అవలీలగా గెలిచి కాంటెండర్ అయిపోవచ్చు. చూసేందుకు ఈ టాస్కులు కనీస స్థాయిలో కూడా కిక్ ని ఇవ్వలేకపోయాయి. ఇకపోతే టికెట్ పొందేందుకు చివరి టాస్కు ఆడేందుకు నిఖిల్కే, అవినాష్, రోహిణి మిగులుతారు. ఈ చివరి టాస్కుని నిర్వహించడానికి బిగ్ బాస్ హౌస్ లోకి సీజన్ 3 రన్నర్, ప్రముఖ యాంకర్ శ్రీముఖి వస్తుంది. దీనికి సంబంధించిన ప్రోమో ని నిన్న మనమంతా చూసాము. ఈ ప్రోమో లో ఆమె బెట్టింగ్స్ గురించి మాట్లాడుతుంది. టాస్క్ ఏమిటి అనేది మాత్రం ఆమె నిన్నటి ప్రోమో లో రివీల్ చేయలేదు. అయితే అందుతున్న సమాచారం ప్రకారం, ఈ చివరి టాస్క్ లో అవినాష్ గెలిచి, ‘టికెట్ టు ఫినాలే’ బ్యాడ్జ్ ని అందుకొని, బిగ్ బాస్ సీజన్ 8 ఫినాలే వీక్ కి వెళ్లిపోయాడని తెలుస్తుంది.

అవినాష్ వాస్తవానికి ఫినాలే వీక్ కి వెళ్లేందుకు అన్ని విధాలుగా అర్హతలు ఉన్న కంటెస్టెంట్. అందులో ఎలాంటి సందేహం లేదు. ఎందుకంటే ఆయన ఆయన పంచినంత ఎంటర్టైన్మెంట్ ఈ సీజన్ లో ఎవ్వరూ పంచలేదు. అసలు అవినాష్ ఎంట్రీ లేకపోతే, బిగ్ బాస్ సీజన్ 8 టీఆర్ఫీ రేటింగ్స్ ఢమాల్ అయ్యేవి. ఆయన ఎంటర్టైన్మెంట్ ని పంచడం మాత్రమే కాదు, టాస్కులు కూడా అద్భుతంగా ఆడాడు. అవినాష్ అంటే కమెడియన్ కాదు, గేమర్ అని అనిపించుకున్నాడు. రెండుసార్లు ఇంటికి టాస్కులు గెలిచి మెగా చీఫ్ అయిన ఏకైక కంటెస్టెంట్ గా అవినాష్ చరిత్ర సృష్టించాడు. ఇన్ని చేసిన అవినాష్ ఫినాలే కి వెళ్లకుంటే అన్యాయంగా అనిపించేది. కానీ టికెట్ అతనికే దక్కడంతో ఆడియన్స్ సంతృప్తి చెందారు. మరి ఈ వారం అవినాష్ సేవ్ అయితేనే ఆయనకీ ఫినాలే వీక్ లోకి అడుగుపెట్టే అవకాశం ఉంటుంది. మరి సేవ్ అవుతాడా లేదా అనేది చూడాలి.