హైదరాబాద్ నగరంలోని నిజామ్స్ ఇన్స్టిట్యూట్ ఆఫ్ మెడికల్ సైన్సెస్ నిరుద్యోగులకు శుభవార్త చెప్పింది. అసిస్టెంట్ ప్రొఫెసర్, సీనియర్ రెసిడెంట్ ఉద్యోగ ఖాళీల భర్తీ కొరకు నోటిఫికేషన్ ను విడుదల చేసింది. ఆసక్తి, అర్హత ఉన్న అభ్యర్థులు ఈ ఉద్యోగ ఖాళీల కొరకు దరఖాస్తు చేసుకోవచ్చు. జెరియాట్రిక్ మెడిసిన్లో ఈ ఉద్యోగ ఖాళీల భర్తీ జరగనుండగా ఇంటర్వ్యూ ద్వారా ఈ ఉద్యోగాలకు ఎంపిక ప్రక్రియ జరుగుతుంది.
ఆసక్తి ఉన్న అభ్యర్థులు ఈ నెల 19వ తేదీన ఉదయం 11 గంటల నుంచి 12 గంటల వరకు ఇంటర్వ్యూలకు హాజరయ్యే అవకాశం ఉంటుంది. http://www.nims.edu.in/ వెబ్ సైట్ ద్వారా ఈ ఉద్యోగ ఖాళీలకు సంబంధించిన పూర్తి వివరాలను తెలుసుకోవచ్చు. ఈ ఉద్యోగ ఖాళీలకు సంబంధించి ఎటువంటి సందేహాలు ఉన్నా 040 – 23489353 నంబర్ కు కాల్ చేయడం ద్వారా సందేహాలను నివృత్తి చేసుకోవచ్చు.
కాంట్రాక్ట్ పద్ధతిలో ఈ ఉద్యోగాల భర్తీ జరగనుంది. కరోనా సెకండ్ వేవ్ వల్ల చాలామంది ఉద్యోగులు ఉద్యోగాలను కోల్పోతున్న సంగతి తెలిసిందే. సెకండ్ వేవ్ పలు రంగాలపై తీవ్ర ప్రభావం చూపుతోంది. ఇలాంటి సమయంలో ఈ నోటిఫికేషన్ ద్వారా నిరుద్యోగులకు ప్రయోజనం చేకూరుతుందని చెప్పాలి. దేశంలో సంవత్సరం సంవత్సరానికి నిరుద్యోగుల శాతం ఊహించని స్థాయిలో పెరుగుతున్న సంగతి తెలిసిందే.
నిమ్స్ లో ప్రస్తుతం ఉన్న ఉద్యోగ ఖాళీలు కాంట్రాక్ట్ ఉద్యోగాలే అయినప్పటికీ అర్హత ఉన్నవాళ్లు ఈ ఉద్యోగాలకు దరఖాస్తు చేసుకుంటే ప్రయోజనం చేకూరుతుంది.
