Elon Musk Wealth : ఎలాన్ మస్క్.. పరిచయం అక్కరలేని పేరు.. అత్యంత ఖరీదైన కార్ల తయారీ కంపెనీ టెస్లా అధినేత. సోషల్ మీడియా యాప్ ఎక్స్ యజమాని కూడా. ప్రపంచంలోనే అత్యంత సంపన్నుడు. ఈయన ఆదాయం ఏటేటా పెరుగుతూనే ఉంది. దీంతో కొన్నేళ్లుగా ప్రపంచ సంపన్నుడుగా కొనసాగుతూనే ఉన్నాడు. అయితే మస్క్ ఆదాయం ఎంతో చాలా మందికి తెలియదు. ఆయన నిమిషం సంపాదనే 142,690డాలర్లు.. మన కరెన్సీలో రూ.1.18కోట్లు. ఇక గంటకు ఎలాన్ మస్క్ సంపాదన 8,560,800డాలర్లు. భారత కరెన్సీలో రూ. 71 కోట్ల కంటే ఎక్కువ అని ఒక నివేదిక పేర్కొంది.
స్టుపిడ్ మ్యాట్రిక్స్ అన్న మస్క్..
అయితే ఈ నివేదికను ఎలాన్ మస్క్ కొట్టిపారేశాడు. దానిని స్టుపిడ్ మ్యాట్రిక్స్గా అభివర్ణించాడు. ప్రస్తుతం తాను సంపాదనకు బదులు భారీగా నష్టపోవాల్సి వస్తోందని పేర్కొన్నాడు. అందుకే ఆ నివేదికను కొట్టిపారేశాడు మస్క్. టెస్లా షేర్లు పడిపోయినప్పుడల్లా ఎక్కువ డబ్బు పోగొట్టుకోవాల్సి వస్తుందని మస్క్ వెల్లడించాడు.
నమ్మదగిన నివేదిక కాదు..
ఇటువంటి నివేదికలు నమ్మదగినవి కాదంటున్నారు మస్క్. వాస్తవానికి ఈ మొత్తం కంపెనీల స్టాక్స్ రూపంలో ఉందని పేర్కొన్నాడు. టెస్లా స్టాక్ యాదృచ్ఛికంగా పడిపోయిన దానికంటే సాంకేతికంగా అతను ప్రతిసారీ ఎక్కువ నష్టపోతున్నాడని ఎలాన్ మస్క్ చెప్పాడు. అయితే, మూడేళ్లలో మస్క్ నికర విలువ సెకనుకు సగటున 2,378 డాలర్లు పెరిగిందని నివేదిక పేర్కొంది. నిమిషానికి 142,680 డాటర్లు లేదా గంటకు 8,560,800 డాలర్లు సంపాదిస్తున్నాడని నివేదిక పేర్కొంది. అయితే అతను రాత్రి ఎనిమిది గంటలు నిద్రపోయి ఉదయం మేల్కొన్నప్పుడు అతని సంపాదన మరుసటి రోజు ఉదయం 68,486,400డాలర్లు పెరుగుతుంది.
భారీగా పెరిగిన సంపద..
జనవరి నుంచి జూన్ వరకు టెస్లా, స్పేస్ ఎక్స్ సీఈవోల మొత్తం సంపద 96.6 బిలియన్ డాలర్లు పెరగడం గమనార్హం. ప్రస్తుతం, ఎలోన్ మస్క్ 248.7 బిలియన్ డాలర్ల సంపదతో ప్రపంచంలోనే అత్యంత ధనవంతుడు. ఎలాన్ మస్క్ ప్రస్తుతం టెస్లాలో 23 శాతం వాటా ఉంది. అతని సంపదలో గణనీయమైన భాగం, దాదాపు మూడింట రెండు వంతులు, టెస్లా విజయంతో ముడిపడి ఉంది. అక్టోబర్ 2022లో మస్క్ ట్విట్టర్ని 44 బిలియన్ డాలర్లకు కొనుగోలు చేశాడు.
