Marwadi Go Back: తెలంగాణ రాష్ట్రం ఇప్పుడే కాదు, కొన్ని వందల సంవత్సరాల నుంచి దేశంలోని అన్ని వర్గాల ప్రజలకు ఆలంబనగా ఉంది. వారు బతకడానికి అన్ని విధాలుగా అనుకూలంగా ఉంది. సిక్కుల నుంచి మొదలుపెడితే ఆంధ్ర వారి వరకు వివిధ వ్యాపారాలు చేసుకుంటూ తెలంగాణలో బతుకుతున్నారు. తెలంగాణ కేంద్రంగా వార్తల వ్యాపారాలను అంతకంతకు విస్తరించారు. వాస్తవానికి ఆంధ్ర వారి కంటే కూడా తెలంగాణలో మార్వాడి వారికే ఎక్కువగా వ్యాపారాలు ఉన్నాయి. హైదరాబాద్ నగరంలో అయితే అమీర్పేట, కూకట్పల్లి, శేరిలింగంపల్లి, మల్కాజ్గిరి, కోటి, అబిడ్స్, ఖైరతాబాద్, నాంపల్లి ప్రాంతాలలో మార్వాడీలు అధికంగా విస్తరించారు. మొదట్లో మార్వాడీలు చిన్న చిన్న వ్యాపారాలు నిర్వహించేవారు. వీరిలో ప్రధానంగా మిఠాయి దుకాణాలు కొనసాగించేవారు. ఆ తర్వాత క్రమక్రమంగా వివిధ రంగాల్లోకి విస్తరించారు. ఇక్కడ కుటుంబాలకు కుటుంబాలుగా ఏర్పడి.. ఆధార్, ఓటర్ ఐడి కార్డులు సాధించారు.
Also Read: గంభీర్ కు ఉద్వాసన.. టీమిండియా టెస్ట్ కోచ్ గా వీవీఎస్ లక్ష్మణ్..
మార్వాడి వ్యాపారులు మొదట్లో స్థానికులకు ఉపాధి కల్పించేవారు. అయితే ఇటీవల కాలంలో వారి సామాజిక వర్గానికి చెందిన వారిని మాత్రమే విధుల్లోకి తీసుకుంటున్నారు. స్థానికుల వ్యాపారాలను తీవ్రంగా దెబ్బ కొడుతున్నారు. దీంతో స్థానికంగా ఉన్నవారు తీవ్రంగా ఇబ్బంది పడుతున్నారు. ఇటీవల కాలంలో మార్వాడి వ్యాపారులకు స్థానిక వ్యాపారులకు వాగ్వాదాలు జరిగాయి. సోషల్ మీడియా వల్ల ఈ వివాదాలు తారాస్థాయికి చేరాయి. నీతో ఏకంగా గో బ్యాక్ మార్వాడి అనే ఉద్యమం మొదలైంది. తెలంగాణలో ఉన్న మార్వాడి వ్యాపారులు మొత్తం వారి సొంత రాష్ట్రాలకు వెళ్లిపోవాలని స్థానిక వ్యాపారులు డిమాండ్ చేస్తున్నారు. తమకు ఉపాధి లేకుండా.. వ్యాపారాలు కొనసాగించకుండా చేస్తున్నారని ఆరోపిస్తున్నారు.
తాజాగా ఉమ్మడి రంగారెడ్డి జిల్లా ఆమనగల్లు ప్రాంతంలో బంద్ కు స్థానిక వ్యాపారులు పిలుపునిచ్చారు. ఉత్తర భారతదేశం నుంచి వచ్చి తమకు ఉపాధి లేకుండా చేస్తున్నారని స్థానిక వ్యాపారులు మార్వాడి వ్యాపారస్తులపై ఆగ్రహం వ్యక్తం చేస్తున్నారు. మార్వాడిల వల్ల తమ వ్యాపారాలు దెబ్బతింటున్నాయని.. వాళ్ల మనుషులకే ఉద్యోగాలు ఇస్తున్నారని స్థానిక వ్యాపారులు మండిపడుతున్నారు. అంతేకాదు ఎల్లుండి ఉమ్మడి రంగారెడ్డి జిల్లా అమనగల్లు ప్రాంతంలో బంద్ కు పిలుపునిచ్చారు. అంతేకాదు సోషల్ మీడియాలో గో బ్యాక్ మార్వాడి అనే యాష్ ట్యాగ్ విపరీతమైన ట్రెండ్ లో ఉంది. మరి దీనిపై తెలంగాణ ప్రభుత్వం ఎటువంటి నిర్ణయం తీసుకుంటుందో చూడాల్సి ఉంది.
