Jailer 2 teaser : సౌత్ ఇండియన్ మూవీ లవర్స్ ఎప్పుడెప్పుడా అని వెయ్యి కళ్ళతో ఎదురు చూస్తున్న ‘జైలర్ 2’ అప్డేట్ వచ్చేసింది. రీసెంట్ గానే షూటింగ్ కార్యక్రమాలను పూర్తి చేసుకున్న ఈ చిత్రాన్ని అక్టోబర్ 15 న ప్రపంచవ్యాప్తంగా విడుదల చేయబోతున్నట్టు , ఒక చిన్న బ్లాస్టింగ్ టీజర్ తో ప్రకటించారు మేకర్స్. ఈ టీజర్ లో నెల్సన్ మార్క్ టేకింగ్ కనిపించింది. ‘జైలర్’ టీజర్ అప్పుడు కూడా ఆయన ఇదే ఫార్మటు ని అనుసరించారు. క్యారెక్టర్స్ ని పూర్తి స్థాయి లో రివీల్ చేయకుండా , కేవలం రజినీకాంత్ ని మాత్రమే చూపించారు. కానీ ఈ టీజర్ లో క్యారెక్టర్స్ ని రివీల్ చేయలేదు , అదే విధంగా రజినీకాంత్ ని కూడా చూపించలేదు. దూరం నుండి ఆయన వెనక్కి తిరిగి నిల్చున్న షాట్ ని మాత్రమే చూపించారు.
అయితే ఈ టీజర్ లో అనిరుద్ మరోసారి తన విశ్వరూపం చూపించాడు అనే చెప్పాలి. ‘జైలర్’ థీమ్ మ్యూజిక్ ని మోడిఫై చేస్తూ తన సరికొత్త అప్డేటెడ్ వెర్షన్ కి సోషల్ మీడియా లో నెటిజెన్స్ నుండి సెన్సేషనల్ రెస్పాన్స్ వచ్చింది. అనిరుద్ ఇలాంటి విషయాల్లో అసలు వెనక్కి తగ్గడు , మరోసారి ఆయనకు ఎందుకు సౌత్ ఇండియా లో ఇంత డిమాండ్ ఉంది అనేది ఈ ఒక్క బ్యాక్ గ్రౌండ్ మ్యూజిక్ తో చెప్పకనే చెప్పారు. ఇకపోతే ఈ టీజర్ లో సినిమా కథ ఎక్కడి నుండి మొదలు అవుతుందో చెప్పుకొచ్చారు డైరెక్టర్. మొదటి భాగం క్లైమాక్స్ లో విలన్ చనిపోయే ముందు కొన్ని మాటలు అంటాడు గుర్తుందా?, నన్ను చంపి ఎంత పెద్ద తప్పు చేయబోతున్నావో నీకు తెలియదు , ఇదొక మహాసముద్రం , నా వెనుక ఎవరెవరు ఉన్నారో తెలుసా? అని అంటాడు. అక్కడి నుండే ఈ చిత్రం మొదలు అవుతుంది.
అవినీతి మార్గం లోకి వెళ్తే కన్నకొడుకుని కూడా కనికరం లేకుండా చంపేసిన హీరో కి , ఈ మాఫియా నుండి ఎదురైనా సమస్యలు ఏంటి?, దాని నుండి ఆయన ఎలా బయటపడ్డాడు అనేదే స్టోరీ గా తీసినట్టు టీజర్ ని చూస్తుంటే అర్థం అవుతోంది. ఇకపోతే మొదటి భాగం లో శివరాజ్ కుమార్ , మోహన్ లాల్ పాత్రలు కనిపించింది చాలా తక్కువసేపు అయినప్పటికీ, బలమైన ప్రభావం చూపించారు , ఈ చిత్రం లో కూడా వాళ్ళ పాత్రలు ఉంటాయట, అదే విధంగా బాలీవుడ్ సూపర్ స్టార్ హృతిక్ రోషన్ కూడా ఈ చిత్రం లో బలమైన పవర్ ఫుల్ గెస్ట్ రోల్ లో కనిపించబోతున్నారట. రెండు రోజుల క్రితమే ఆయన పాత్రకు సంబంధించిన షూటింగ్ ని కూడా పూర్తి చేశారు. ‘జైలర్’ తో ఏకంగా 650 కోట్ల రూపాయిలకు పైగా గ్రాస్ వసూళ్లను కొల్లగొట్టిన సూపర్ స్టార్ రజినీకాంత్ ‘జైలర్ 2’ తో వెయ్యి కోట్లు అందుకుంటాడా లేదా అనేది చూడాలి.
