Jayakrishna debut movie : తెలుగు సినిమా ఇండస్ట్రీలో ఘట్టమనేని ఫ్యామిలీకి చాలా మంచి గుర్తింపైతే ఉంది. ఆ ఫ్యామిలీ నుంచి వచ్చిన హీరోలందరు స్టార్ హీరోలుగా రాణించడమే కాకుండా ప్రేక్షకుల్లో విశేషమైన ఆదరణను సంపాదించుకుంటున్నారు. ముఖ్యంగా సూపర్ స్టార్ కృష్ణ మాస్ హీరోగా అవతరించాడు. ఇక అతని తర్వాత మహేష్ బాబు సైతం క్లాస్ మాస్ అనే తేడా లేకుండా విభిన్న తరహా సినిమాలను చేస్తూ ప్రేక్షకులను విశేషంగా అలరిస్తున్నాడు. ప్రస్తుతం ఆయన రాజమౌళి దర్శకత్వంలో ‘వారణాసి’ అనే సినిమా చేస్తున్నాడు. ఈ సినిమాతో ఎలాగైనా సరే భారీ సక్సెస్ ని తన ఖాతాలో వేసుకోవాలనే లక్ష్యంతో ముందుకు సాగుతున్నట్టుగా తెలుస్తుంది. మహేష్ బాబు లాంటి నటుడు ఈ మధ్యకాలంలో చేసిన సినిమాలతో భారీ విజయాలను సాధించలేకపోయాడు. కాబట్టి వారణాసి సినిమాతో ఒక్కసారిగా పాన్ ఇండియా పరిధిని దాటి పాన్ వరల్డ్ లో తన సత్తా ఏంటో చూపించాలనే ప్రయత్నంలో ఉన్నాడు…
ఇక మహేష్ బాబు అన్న కొడుకు అయిన జయకృష్ణ సైతం ప్రస్తుతం హీరోగా ఇండస్ట్రీకి ఎంట్రీ ఇస్తున్నాడు. అజయ్ భూపతి దర్శకత్వంలో తెరకెక్కుతున్న ‘శ్రీనివాస మంగాపురం’ సినిమాతో ప్రేక్షకులను అలరించే ప్రయత్నం చేస్తున్నాడు. ఈ సినిమాతో అతను ఎలాగైనా సరే మొదటి సక్సెస్ ని సాధించాలనే ప్రయత్నంలో ఉన్నాడు.
ఇక దానికోసం ఆయన తీవ్రమైన కసరత్తులు కూడా చేస్తున్నాడు. ఇక ఇదిలా ఉంటే జయకృష్ణ మహేష్ బాబు రేంజ్ లో స్టార్ హీరోగా మారుతాడా? లేదంటే వాళ్ల ఫాదర్ రమేష్ బాబు లాగా వీలైనంత తొందరగా ఇండస్ట్రీ నుంచి ఫేడ్ అవుట్ అయిపోతాడా అనేది కూడా తెలియాల్సి ఉంది…
మొత్తానికైతే ఘట్టమనేని ఫ్యామిలీ నుంచి రాబోయే తరం కూడా చాలా స్ట్రాంగ్ గా తయారవుతుందనే విషయం చాలా క్లారిటీగా తెలుస్తుంది. ఇక జయకృష్ణతో పాటు మహేష్ బాబు కొడుకు గౌతమ్ కృష్ణ కూడా సినిమా ఇండస్ట్రీకి ఎంట్రీ ఇవ్వబోతున్నాడు. అలాగే మహేష్ బాబు వాళ్ళ బావ అయిన సుధీర్ బాబు కొడుకులు సైతం ఇండస్ట్రీలో రాణించడానికి ఇప్పటినుంచే కసరత్తులైతే చేస్తున్నారు…
