మన పూర్వీకులు పెట్టిన నియమాలలో కొన్ని నియమాలు వినడానికి ఆశ్చర్యంగా అనిపించేలా ఉన్నా ఆ నియమాలను పాటించడం వల్ల ఎన్నో ఆరోగ్య ప్రయోజనాలు చేకూరుతాయి. అయితే పూర్వీకులు పెట్టిన చాలా నియమాలలో శాస్త్రీయ కోణం ఉంది. తీసుకునే ఆహారం విషయంలో మాత్రమే కాకుండా నిద్ర విషయంలో కూడా పెద్దలు కొన్ని నియమాలను పెట్టారు. తూర్పు వైపు లేదా దక్షిణం వైపు మాత్రమే తల పెట్టి పడుకోవాలని పెద్దలు చెబుతారు.
ఎడమ వైపు నిద్రపోతే మంచిది కాదని కుడివైపు నిద్రపోతే మంచిదని పూర్వీకులు వెల్లడించారు. ఎడమవైపు తిరిగి పడుకోవడం వల్ల గురక తగ్గుతుంది. ఎడమ వైపు తిరిగి పడుకుంటే మంచి రక్త ప్రసరణ జరుగుతుంది. గర్భాశయం, పిండం, మూత్రపిండాలకు అవసరమైన రక్తం అందుతుంది. ఎడమ వైపు తిరిగి పడుకోవడం ద్వారా వెన్ను నొప్పితో పాటు వీపు నొప్పికి కూడా చెక్ పెట్టే అవకాశం ఉంటుంది.
వీపు , మెడ నొప్పుల నుంచి ఉపశమనం కలగడంతో పాటు జీర్ణక్రియ ప్రక్రియ వేగంగా జరుగుతుంది. కిడ్నీలు, కాలేయం సక్రమంగా పని చేయడంతో పాటు శరీరంలోని విషపదార్థాలు, వ్యర్థపదార్థాలు తొలగిపోతాయి. గుండెలోని మంట తగ్గడంతో పాటు గుండె సక్రమంగా పని చేసే అవకాశాలు అయితే ఉంటాయి. ఉదయం సమయంలో ఉత్సాహంగా ఉండటంతో పాటు కొవ్వు పదార్థాలు సులువుగా జీర్ణమవుతాయి.
మెదడు చురుకుగా పని చేసే అవకాశం ఉండటంతో పాటు అల్జీమర్ వ్యాధులు కంట్రోల్ అయ్యే అవకాశం ఉంటుంది. ఎడమ ప్రక్కకు తిరిగి ఎడమ చేతిని తల క్రిందకు వచ్చే విధంగా పడుకుని విశ్రమిస్తే మంచిది. ఈ విధంగా పడుకోవడం వల్ల రోజంతా ఉత్సాహంగా ఉండే అవకాశాలు ఉంటాయి.
