Suriya And Jyothika: ఏదో ఒక నిప్పురాజేయంది.. ఎక్కడో ఒకచోట మంట పెట్టంది.. మీడియా ఊరుకోదు. అందుకే సెలబ్రిటీలు మీడియాకు దూరంగా ఉంటారు. ఆచి తూచి మాట్లాడుతుంటారు. ఇక తమిళంలో సూర్య అయితే మీడియాను చాలా దూరంగా ఉంచుతాడు. ఎందుకంటే గతంలో మీడియా వల్ల అతడు చాలా ఇబ్బంది పడ్డాడు కాబట్టి.. అయితే ఇటీవల ఆ మీడియా అతడిపై అడ్డగోలుగా రాసింది. అతడు, జ్యోతిక విడిపోతున్నారని.. జ్యోతిక తన ఇద్దరు పిల్లల్ని తీసుకొని ముంబై వెళ్ళిపోయిందని.. న్యాయవాదులతో సంప్రదింపులు జరుపుతోందని.. సూర్య కూడా విడాకులు ఇచ్చేందుకు ఒప్పుకున్నాడని.. రాసి పడేసింది. ఇలా రాస్తున్నప్పుడు కనీసం వివరణ తీసుకోవాలనే సోయి కూడా అక్కడి మీడియాకు లేనట్టుంది. పైగా సెలబ్రిటీల జీవితాల్లో టార్చ్ లైట్ వేసి వెతికి మరి చూడటం మీడియాకు అలవాటు కదా.. ఆ లెక్కకు వస్తే తమిళ మీడియాతో పోలిస్తే తెలుగు ఒకింత నయమే. ఈ వ్యవహారంపై అటు సూర్య, ఇటు జ్యోతిక సమయమనం పాటించారు. కాలమే అన్నింటికీ సమాధానం చెబుతుంది అన్నట్టుగా నిశ్శబ్దంగా ఉండిపోయారు. అటు సూర్య తన కంగువా సినిమా షూటింగ్లో బిజీ అయిపోయాడు. ఇటు జ్యోతిక సైతాన్ సినిమా చిత్రీకరణలో ఉండిపోయింది. దీంతో మీడియా కూడా సైలెంట్ అయిపోయింది.
జ్యోతిక నటించిన సైతాన్ ఇటీవల విడుదలైంది. ఈ సినిమాలో బాలీవుడ్ నటుడు అజయ్ దేవగణ్ తో జ్యోతిక స్క్రీన్ షేర్ చేసుకుంది. ఈ సినిమాకు సంబంధించి ఇటీవల ముంబైలో ప్రమోషన్ కార్యక్రమాలు నిర్వహించారు. ఈ ప్రమోషన్ కార్యక్రమానికి జ్యోతిక భర్త సూర్య హాజరయ్యాడు. జ్యోతిక సూర్యతో కలిసి సైతాన్ సినిమా ఫ్లెక్సీ ముందు ఫోటో దిగింది. ఇద్దరు కూడా నలుపు రంగు డ్రెస్ వేసుకుని మరి ఫోటో దిగడం విశేషం. అనంతరం ఇద్దరు పక్కపక్కనే కూర్చుని సినిమాకు సంబంధించి మాట్లాడుకున్నారు. మధ్యలో అజయ్ కూడా చేరడంతో ముగ్గురు చాలాసేపు సంభాషించుకున్నారు.. పచ్చగా ఉంటే మీడియా ఊరుకోదు అనుకుంటా.. ఇలా జ్యోతిక, సూర్య కలిసి ఉంటే కుళ్ళుకుంది.
చూశారా.. ఆమధ్య మీడియాతో వార్తలు రావడం వల్లే సూర్య, జ్యోతిక కలిసిపోయారు. అంతకుముందు ఆమెను సినిమాల్లో నటింపజేసేవాడు కాదు. ఇప్పుడు ఏకంగా బాలీవుడ్ సినిమాల్లో నటించినా ఓకే చెప్పేస్తున్నాడు. సూర్య మారిపోయాడు. జ్యోతిక చెప్పినట్టు వింటున్నాడు. అందుకే ముంబై వచ్చాడు. ఆమె నటించిన సైతాన్ సినిమా ప్రమోషనల్ ఈవెంట్ లో పాల్గొన్నాడు. ఇలా రాసుకుంటూ పోయింది తమిళ మీడియా.. అయినా ఇక్కడ ఒకరి వ్యక్తిగత జీవితాల్లోకి తొంగి చూసి అధికారం మీడియాకు ఎవడిచ్చాడు? వారిద్దరు భార్యాభర్తలు, పెళ్లికి ముందే వారు ప్రేమించుకున్నారు, అనంతరం పెళ్లి చేసుకున్నారు. ఇద్దరు యుక్త వయసు పిల్లలకు తల్లిదండ్రులయ్యారు. అలాంటప్పుడు వారికి ఏది మంచో, ఏది చెడో తెలియదా? ఒకవేళ విభేదాలు తలెత్తితే విడిపోతారు.. ఎన్ని జంటలు విడిపోవడం లేదు, ఎంతమంది కటీఫ్ చెప్పుకోవడం లేదు.. దానికి సూర్య, జ్యోతిక ఏమైనా అతీతమా? వారిద్దరు విడిపోతే బ్రహ్మాండం బద్దలై పోయే వార్తనా.. ఎక్కడి నుంచి వస్తార్రా భయ్.
