RRR , Kalki , Pushpa 2 : నైజాంలో ఆర్ ఆర్ ఆర్, కల్కి రికార్డ్స్ బ్రేక్ చేసిన పుష్ప 2, ఇదేం క్రేజ్ స్వామి!

RRR , Kalki , Pushpa 2 : పుష్ప 2తో అల్లు అర్జున్ అనేక అరుదైన మైలురాళ్లను చేరుకోవడం ఖాయంగా కనిపిస్తుంది. కాగా నైజాం లో ఆర్ ఆర్ ఆర్, కల్కి వంటి భారీ చిత్రాల రికార్డ్స్ ని సైతం పుష్ప 2 బ్రేక్ చేసింది. ఇది అల్లు అర్జున్ కి క్రేజ్ కి నిదర్శనం అంటున్నారు. ఇంతకీ ఆ రికార్డు ఏమిటో చూద్దాం..

విడుదలకు ముందే పుష్ప 2 నిర్మాతలకు లాభాలు పంచింది. థియేట్రికల్, నాన్ థియేట్రికల్ బిజినెస్ ద్వారా ఈ చిత్రం రూ. 1000 కోట్లు రాబట్టింది. చాలా ఏరియాల్లో పుష్ప 2 రికార్డు స్థాయిలో బిజినెస్ చేసింది. పుష్ప 2 హిందీ వెర్షన్ ని రూ. 200 కోట్లకు అమ్మారని సమాచారం. ఇది కల్కి, ఆర్ ఆర్ ఆర్ చిత్రాల ప్రీ రిలీజ్ బిజినెస్ కంటే ఎక్కువ. పుష్ప 2 సినిమాకు నార్త్ లో ఉన్న హైప్ రీత్యా రూ. 500 కోట్ల వసూళ్లు ఆ చిత్రం రాబట్టడం ఖాయం అంటున్నారు. పుష్ప పార్ట్ 1 రూ. 100 కోట్లు వసూలు చేసిన సంగతి తెలిసిందే.

అలాగే నైజాం లో సైతం పుష్ప 2 ఎవరూ ఊహించని స్థాయిలో ప్రీ రిలీజ్ బిజినెస్ చేసింది. నైజాం రైట్స్ ఏకంగా రూ. 100 కోట్లు పలికాయట. ఇది ఆల్ టైం రికార్డు. ఆర్ ఆర్ ఆర్ మూవీ నైజాం రైట్స్ రూ. 75 కోట్లకు అమ్మినట్లు సమాచారం. ఇక ప్రభాస్ నటించిన కల్కి మూవీ నైజాం హక్కులు రూ. 70 కోట్లకు విక్రయించారు. ఆ రెండు చిత్రాలను పుష్ప 2 అధిగమించింది. నైజాం లో పుష్ప 2 రూ. 220 కోట్ల గ్రాస్ రాబడితే కానీ లాభాల్లోకి వెళ్ళదు.

ఇక ఏళ్లుగా కేరళలో అల్లు అర్జున్ కి స్టార్ హీరో ఇమేజ్ ఉంది. ఆయనకు అభిమాన సంఘాలు కూడా ఉన్నాయి. అల్లు అర్జున్ సినిమాల మలయాళ వెర్షన్ అక్కడ విడుదల చేస్తారు. కాబట్టి కేరళ రైట్స్ కూడా పెద్ద మొత్తంలో ఉండే అవకాశం కలదు. చూస్తుంటే పుష్ప 2 మూవీతో అల్లు అర్జున్ ఆకాశమే హద్దుగా చెలరేగిపోవడం ఖాయంగా కనిపిస్తుంది. ఆదివారం రాత్రి చెన్నై లో ప్రీ రిలీజ్ వేడుక నిర్వహించారు. ఈ వేడుకకు మంచి రెస్పాన్స్ దక్కింది.

పుష్ప 2 వరల్డ్ వైడ్ డిసెంబర్ 5న విడుదల కానుంది. తెలుగు రాష్ట్రాల్లో డిసెంబర్ 4 అర్థరాత్రి నుండే షోలు ప్రదర్శించనున్నారట. అడ్వాన్స్ బుకింగ్స్ సైతం ఓపెన్ కానున్నాయి. టికెట్స్ ధరలు కూడా పెరిగే అవకాశం ఉంది. మైత్రీ మూవీ మేకర్స్ ఈ చిత్రాన్ని నిర్మించారు. రష్మిక మందాన హీరోయిన్ గా నటిస్తుంది. దేవిశ్రీ ప్రసాద్ సంగీతం అందిస్తున్నారు.