Peddhi Ray Ray Ra song :గ్లోబల్ స్టార్ రామ్ చరణ్ హీరో గా నటిస్తున్న ‘పెద్ది’ చిత్రం పై ఇప్పటికే అంచనాలు తారా స్థాయిలో ఉన్నాయి. ఎక్కడ చూసినా ఈ సినిమాలోని ‘చికిరి చికిరి’ పాటనే వినిపిస్తోంది. ఈమధ్య కాలం లో స్టార్ హీరోల పాటల్లో ‘పుష్ప 2 ‘ తర్వాత ఆ రేంజ్ వైరల్ అవ్వడం ‘పెద్ది’ చిత్రానికే జరిగింది. దీంతో ఈ సినిమా ఆల్బమ్ పై యూత్ ఆడియన్స్ లో మంచి క్రేజ్ ఏర్పడింది. AR రెహమాన్ మంచి ఫార్మ్ మీద ఉన్నాడు, ఇక నుండి విడుదలయ్యే ప్రతీ పాట అద్భుతంగా ఉండబోతుంది అని అనుకున్నారు. అలాంటి అంచనాలతోనే ఈ చిత్రం లోని రెండవ పాట ‘రయ్ రయ్ రారా’ కోసం ఎదురు చూసారు. నేడు సాయంత్రం 7 గంటలకు విడుదల అవ్వాల్సిన ఈ పాట బాగా ఆలస్యం అయ్యింది. ఇప్పటికీ కూడా లిరికల్ వీడియో సాంగ్ రాలేదు .
కానీ ‘స్పాటిఫై ‘ మ్యూజిక్ యాప్ లో ఆడియో సాంగ్ అందుబాటులోకి వచ్చింది. ఈ సాంగ్ విన్న తర్వాత ఫ్యాన్స్ నుండి భిన్నమైన రెస్పాన్స్ వచ్చింది. కొంతమంది లిరిక్స్ బాగున్నాయని అంటున్నారు, మరి కొంతమంది అయితే ‘చికిరి చికిరి’ పాటకు దరిదాపుల్లో కూడా లేదు, మంచి మాస్ బీట్ ఉన్న సాంగ్ అని ఊహిస్తే, క్లాస్ పీకే సాంగ్ ని వదిలారు ఏంటి ?, అసలు AR రెహమాన్ ఈ పాట పాడడం అవసరమా ?, హిందీ పాటను తెలుగు లో డబ్ చేసినట్టుగా ఉంది అంటూ తీవ్ర స్థాయిలో విమర్శలు వినిపిస్తున్నాయి. కానీ నిజంగానే ఈ పాట ట్యూన్ వేరే లెవెల్ లో లేదు. ‘చికిరి చికిరి ‘ విన్న తర్వాత ప్రతీ ఒక్కరూ అంతకు మించిన సాంగ్ రావాలని కోరుకుంటారు. విడుదల తర్వాత అంతకు మించి లేకపోయినా కనీస స్థాయిలో ఉన్నా పర్లేదు , సర్దుకుంటారు. కానీ ఈ సాంగ్ ఆ రేంజ్ లో లేదనే చెప్పాలి.
అయితే ఈ పాటలో రామ్ చరణ్ తన డ్యాన్స్ స్టెప్పులతో ఇరగకుమ్మేశాడని అంటున్నారు. ఆయన స్టెప్పులు అభిమానుల అంచనాలకు చేరుకోగలిగితే ఈ పాట కూడా పెద్ద హిట్ అవుతుంది. లేదంటే యావరేజ్ రేంజ్ లో రీచ్ అయ్యే అవకాశం ఉంటుంది. ఈ పాటికి లిరికల్ వీడియో సాంగ్ వచ్చేయాలి. కానీ ఇప్పటి వరకు రాలేదంటే , ఈరోజు ఇక లేనట్టే అనుకోవచ్చు. చూడాలి మరి రేపు ఉదయం అయినా ఈ పాట యూట్యూబ్ లోకి అందుబాటులోకి వస్తుందా లేదా అనేది. అయితే స్పాటిఫై కి సంబంధించిన ఆడియో సాంగ్ లింక్ ని మీకోసం క్రింద అందిస్తున్నాము చూడండి.
#RaiRaiRaaRaa is out on Spotify https://t.co/VPCrm3sJyX
— MegaPower (@SandyDhanapala) March 2, 2026
