Ram Charan daughter Klin Kaara: గ్లోబల్ స్టార్ రామ్ చరణ్ ప్రస్తుతం ఫుల్ జోష్ మీద ఉన్నాడు. ఎందుకో అందరికీ తెలిసిందే. ఆయన హీరో గా నటించిన లేటెస్ట్ చిత్రం ‘పెద్ది’ భారీ అంచనాల నడుమ విడుదలై , మొదటి ఆట నుండే బ్లాక్ బస్టర్ హిట్ టాక్ ని సొంతం చేసుకొని , బాక్స్ ఆఫీస్ వద్ద కళ్ళు చెదిరే వసూళ్లను రాబడుతూ ముందుకు దూసుకుపోతుంది. ఏ పని మీద అయినా మనస్ఫూర్తిగా శ్రద్ద పెట్టి , తమ వైపు నుండి నూటికి నూరు శాతం ది బెస్ట్ ఇచ్చి , ఆ పని ని ఎదుటివాళ్ళు మెచ్చుకుంటే వచ్చే కిక్కే వేరు. రామ్ చరణ్ ప్రస్తుతం అలాంటి కిక్ ని ఎంజాయ్ చేస్తున్నాడు. ‘పెద్ది’ చిత్రం లో ఆయన ఎంత కష్టపడ్డాడో మన కళ్లారా చూశాము . ఆరంభం నుండి ఎండింగ్ వరకు రామ్ చరణ్ కష్టం , అద్భుతమైన నటన మాత్రమే కనిపించింది.
సినిమాని తన రెండు భుజాల మీద మోశాడు అనడం లో ఎలాంటి సందేహం లేదు. ఈ రేంజ్ నటన ఈమధ్య కాలం లో స్టార్ హీరోల నుండి రాలేదు అనడంలో ఎలాంటి అతిశయోక్తి లేదు. అంత అద్భుతంగా నటించాడు రామ్ చరణ్. ఒక్కమాట లో చెప్పాలంటే ఈ చిత్రం బాక్స్ ఆఫీస్ వద్ద ఈ రేంజ్ కాసుల కనకవర్షం కురిపిస్తూ ముందుకు దూసుకొని పోవడానికి ముఖ్య కారణం , రామ్ చరణ్ మాత్రమే. ఇకపోతే ఈ సినిమా ఘనవిజయం సాధించినందుకు రామ్ చరణ్ కూతురు క్లిన్ కారా , తన తండ్రి కి ఒక స్వీట్ సర్ప్రైజ్ గిఫ్ట్ ఇచ్చింది. ఆ చిన్నారి మాట్లాడుతూ ‘నాన్న.. థిస్ ఈజ్ ఫర్ యూ.. లవ్ యూ సో మచ్’ అంటూ ఒక వీడియో ని చేయించింది. తన ఇంట్లో పని చేసేవాళ్లను , తన తండ్రి స్టాఫ్ ని , బాడీ గార్డ్స్ ని అందరినీ ఒక దగ్గరకు చేర్చి ‘చికిరి చికిరి’ పాటకు డ్యాన్స్ చేయించింది.
వీరిలో రీసెంట్ గా బాగా సోషల్ మీడియాలో ట్రెండ్ అయినటువంటి రామ్ చరణ్ బాడీ గార్డ్ ‘కెవిన్’ కూడా ఉన్నాడు. ఈ వీడియో ని సోషల్ మీడియా లో ఉపాసన షేర్ చేయగా, అది బాగా వైరల్ అయ్యింది. అంతే కాదు , క్లిన్ కారా వాయిస్ చాలా ముద్దుగా ఉందని, ఆ చిన్నారి కి ఇంత చిన్న వయస్సు లో తన తండ్రికి ఒక సర్ప్రైజ్ గిఫ్ట్ ఇవ్వాలనే ఆలోచన రావడం అద్భుతం అంటూ చెప్పుకొస్తున్నారు అభిమానులు. సోషల్ మీడియా లో ఒక రేంజ్ లో ఊపేస్తున్న ఈ వీడియో ని మీరు కూడా చూసేయండి.
View this post on Instagram
