Marakkar: ప్రముఖ మలయాళ హీరో మోహన్లాల్ ప్రధాన పాత్రలో ప్రియదర్శన్ దర్శకత్వంలో తెరకెక్కుతోన్న సినిమా మరక్కర్: అరబికడలింటే సింహమ్. 15 వ శతాబ్దానికి చెందిన నేవర్ చీఫ్ మహమ్మద్ అలీ మరక్కర్ అలియాస్ కుంజాలి మరక్కర్ జీవిత కథ ఆధారంగా ఈ సినిమా రూపొందించారు. తాజాగా, ఈ సినిమా నుంచి ఓ పాటను విడుదల చేసింది చిత్రబృందం. ‘కనులను కలిపిన కలవే.. యే యమునన ఎగసిన అలవే..’ అంటూ సాగే ఈ పాట ప్రస్తుతం ప్రేక్షకులను అలరిస్తోంది. రోనీ రఫెల్ సంగీతం అందించగా.. సత్యప్రకాశ్, చిన్మయి కలిసి ఆలపించారు. వెన్నెలకంటి పాటను రచించారు.
కాగా ఈ సినిమా ఓటీటీలో విడుదల కానుంది ఇటీవలే ఓ ప్రచారం సాగింది.. అయితే, వాటన్నింటికీ చెక్ పెడుతూ.. మరక్కర్ సినిమాను థియేటర్లలోనే విడుదల చేయనున్నట్లు స్ప,్టం చేసింది చిత్రబృందం. ఈ విషయాన్ని సోషల్ మీడియా వేదికగా అభిమానులతో పంచుకుంది. ఈ సినిమాలో అర్జున్, సునీల్ శెట్టి, కీర్తీ సురేశ్, మంజు వారియర్, కల్యాణీ ప్రియదర్శన్ కీలక పాత్రలు పోషిస్తున్నారు.
కాగా, గతంలో మన్యం పులి, లూసీఫర్, దృశ్యం 2 సినిమాలతో ప్రేక్షకుల ముందుకు వచ్చారు మోహన్లాల్. ఈ సినిమాలు ప్రేక్షకులను అమితంగా ఆకట్టుకున్నాయి. మోహన్లాల్ తెలుగులోనూ కొన్ని సినిమాలు విడుదల చేస్తుంటారు. ఈ క్రమంలోనే తెలుగు ప్రేక్షకులకూ ఆయన బాగా కనెక్ట్ అయ్యారు. దీంతో, ఈ సినిమాను కూడా తెలుగులో విడుదల చేసేందుకు సిద్ధమయ్యారు.
