ప్రభాస్ సినిమాలో జ్యోతిక.. నిజమెంత !

పాన్ ఇండియా స్టార్ అయ్యాక ‘ప్రభాస్’ సినిమాల గురించి నేషనల్ మీడియా కూడా అనేక రూమర్స్ క్రియేట్ చేస్తోంది. ఈ క్రమంలో ప్రభాస్ హీరోగా, హై వోల్టేజ్ యాక్షన్ డైరెక్టర్ ప్రశాంత్ నీల్ దర్శకత్వంలో రానున్న ‘సలార్’లో సీనియర్ హీరోయిన్ జ్యోతిక నటిస్తోందంటూ గత రెండు రోజులుగా రూమర్స్ వచ్చాయి. పైగా జ్యోతిక ప్రభాస్ కి అక్కగా నటిస్తోందట.

అయితే తాజాగా ‘సలార్’ టీం నుంచి లేటెస్ట్ ఇన్ఫర్మేషన్ ఏమిటంటే, ఈ సినిమాలో జ్యోతిక నటించట్లేదట. ఇక ఫస్ట్ ‌లుక్‌ తోనే ‘సలార్‌’కి నేషనల్ రేంజ్ లో మంచి డిమాండ్ ఏర్పడింది. అందుకే ఈ సినిమాకు సంబంధించి తర్వాత అప్ డేట్ ఎప్పుడు వస్తోందా ? అని పాన్ ఇండియా లెవల్ లో అభిమానులు ఆసక్తి చూపిస్తున్నారు.

ఎలాగూ మేకర్స్ ఏప్రిల్‌ 14, 2022న ఈ సినిమాను ప్రేక్షకుల ముందుకు తీసుకురానున్నట్లు విడుదల తేదీని కూడా అధికారికంగా ప్రకటించిన సంగతి తెలిసిందే. అయితే కరోనా లాక్ డౌన్ వల్ల ఈ సినిమా షూటింగ్ నిలిచిపోయింది. మరి కరోనా ఎప్పటికీ తగ్గుతుందో, మళ్ళీ ఈ సినిమా షూట్ ఎప్పుడు మొదలవుతుందో ఇప్పుడే చెప్పలేం కాబట్టి, అనుకున్న డేట్ కి ఈ సినిమాని రిలీజ్ చేయకపోవచ్చు.

ఇక ‘సలార్‌’లో ప్రభాస్‌ సరసన శ్రుతిహాసన్‌ సందడి చేయనుంది. ఈ చిత్రాన్ని భారీ బడ్జెట్‌తో హోంబలే ఫిలిమ్స్‌ సంస్థ నిర్మిస్తోంది. ఈ సినిమాకి రవి బస్రూర్‌ సంగీతం అందిస్తున్నారు. ‘కేజీయఫ్‌’తో డైరెక్టర్‌గా సత్తా నిరూపించుకున్న ప్రశాంత్‌ నీల్‌ ఈ సినిమాని అంతకుమించిన భారీ విజువల్స్ తో తీస్తున్నాడట. అందుకే ఈ సినిమాకి రెట్టింపు అంచనాలు ఉన్నాయి.