Junior NTR Tweet About Dandora: మంచి సినిమాని మన తెలుగు ఆడియన్స్ నటీనటులతో సంబంధం లేకుండా ఒక రేంజ్ లో ఆదరిస్తారు. ముక్కు మొహం తెలియని హీరోలు కూడా మంచి కంటెంట్ తో ప్రేక్షకుల ముందుకు వస్తే ఓవర్ నైట్ స్టార్ అయిపోవచ్చు. అలాంటి మంచి మనసు మన తెలుగు ఆడియన్స్ కే సొంతం. భాషతో సంబంధం లేదు, మనకు సినిమా నచ్చితే చాలు బ్లాక్ బస్టర్ హిట్ చేసేయడమే. అలా తమిళం సినిమా ఇండస్ట్రీ నుండి డబ్బింగ్ సినిమాలతో మన ముందుకొచ్చిన రజినీకాంత్,సూర్య, కమల్ హాసన్ , కార్తీ చివరికి విజయ్ సినిమాలను కూడా ఆదరించాము. అదే విధంగా మంచి కంటెంట్ ఉన్న సినిమాలు పెద్దగా స్టార్ క్యాస్ట్ లేకపోయినా భారీ బ్లాక్ బస్టర్ హిట్స్ ని చేసిన సందరభాలు ఉన్నాయి. అలాంటి టాలీవుడ్ ఆడియన్స్ అప్పుడప్పుడు కొన్ని మంచి సినిమాలను ఆదరించంలో కొన్ని కారణాల వల్ల విఫలమైన సందర్భాలు ఉన్నాయి.
అలా విఫలమైన సినిమాల్లో ఒకటి ‘దండోరా ‘. శివాజీ, బిందు మాధవి, నవదీప్, రవి కృష్ణ తదితరులు ప్రధాన పాత్ర పోషించిన ఈ సినిమా గత ఏడాది విడుదలై మంచి పాజిటివ్ టాక్ ని సొంతం చేసుకుంది. ఈ సినిమా ప్రీ రిలీజ్ ఈవెంట్ సమయం లోనే శివాజీ హీరోయిన్స్ ధరించే దుస్తుల గురించి కామెంట్స్ చేసి తీవ్రమైన విమర్శలను ఎదురుకోవాల్సి వచ్చిన సంగతి తెలిసిందే. దాంతో ఆ వివాదం బాగా హైలైట్ అయ్యింది కానీ, దండోరా చిత్రాన్ని ఆ వివాదం అవుట్ షైన్ చేసిందని, ఫలితంగా సినిమాకు ఉన్నటువంటి పాజిటివ్ టాక్ జనాల్లోకి బలంగా వెళ్ళకపోవడం వల్లే ఈ సినిమా సక్సెస్ కాలేకపోయింది అని విశ్లేషకుల నుండి వినిపిస్తున్న మాట . ఇదంతా పక్కన పెడితే రీసెంట్ గానే ఈ చిత్రం అమెజాన్ ప్రైమ్ వీడియో లో స్ట్రీమింగ్ అవ్వడం మొదలు పెట్టింది.
అమెజాన్ లో ఈ చిత్రాన్ని చూసిన ప్రతీ ఒక్కరు ఇంత మంచి సినిమాని ఆదరించడం లో ఈసారి మన తెలుగు ఆడియన్స్ విఫలం అయ్యారు అంటూ కామెంట్ చేశారు. ఇదంతా పక్కన పెడితే నిన్న రాత్రి జూనియర్ ఎన్టీఆర్ ఈ సినిమాకు సంబంధించి వేసిన ఒక ట్వీట్ బాగా వైరల్ అయ్యింది. ఆయన మాట్లాడుతూ ‘కాసేపటి క్రితమే దండోరా చిత్రాన్ని చూసాను. ఈ చిత్రం ప్రతీ ఒక్క మనిషిని ఆలోచింపచేసే విధంగా, చాలా పవర్ ఫుల్ గా ఉంది. శివాజీ , నవదీప్, బిందు మాధవి, రవి కృష్ణ వంటి వారు అద్భుతమైన నటన కనబర్చారు. ఇలాంటి అద్భుతమైన సినిమాని తెరకెక్కించినందుకు డైరెక్టర్ మురళి కాంత్ కి సెల్యూట్. ఇంత గొప్ప సినిమాలో భాగమైన ప్రతీ ఒక్కరికి శుభాకాంక్షలు’ అంటూ చెప్పుకొచ్చాడు ఎన్టీఆర్. ఆయన కారణంగా ఈ సినిమాకు బోలెడంత పబ్లిసిటీ వచ్చింది. థియేటర్స్ లో ఫ్లాప్ అయినప్పటికీ, డిజిటల్ మీడియా లో పెద్ద హిట్ గా ఈ చిత్రం నిలబడబోతోంది అంటూ సోషల్ మీడియా లో నెటిజెన్స్ కామెంట్స్ చేశారు.
Just watched #Dhandoraa. Deeply thought-provoking and powerful. Outstanding performances by Sivaji garu, Navdeep, Nandu, Ravi Krishna and Bindu Madhavi throughout…
Hats off to director Murali Kanth garu for the strong writing and for executing such a rooted story so well.…
— Jr NTR (@tarak9999) January 19, 2026
