Dhurandhar 2 Postponed: గత ఏడాది డిసెంబర్ 4 న విడుదలైన ‘ధురంధర్'(Dhurandhar Movie) చిత్రం బాక్స్ ఆఫీస్ రన్ ని అంత తేలికగా ఎవ్వరూ మర్చిపోలేరు. ఓటీటీ లోకి ఎంట్రీ ఇచ్చి రెండు వారాలు దాటింది. కానీ ఇప్పటికీ కూడా ఈ చిత్రం పలు థియేటర్స్ లో విజయవంతంగా ప్రదర్శితమవుతోంది. దీనిని బట్టే అర్థం చేసుకోవచ్చు, ఈ సినిమా ఎంత పెద్ద బ్లాక్ బస్టర్ హిట్ అనేది. బాక్స్ ఆఫీస్ వద్ద దాదాపుగా 1370 కోట్ల రూపాయలకు పైగా గ్రాస్ వసూళ్లను రాబట్టి సంచలనం సృష్టించిన ఈ చిత్రం, నెట్ ఫ్లిక్స్ లో విడుదలైన 10 రోజులకుఈ 16 మిల్లియన్లకు పైగా వ్యూస్ ని సొంతం చేసుకొని చరిత్ర సృష్టించింది. రాబోయే రోజుల్లో ఈ చిత్రం కచ్చితంగా నెట్ ఫ్లిక్స్ లోని ఇండియన్ మూవీస్ లో అత్యధిక వ్యూస్ ని సొంతం చేసుకున్న చిత్రంగా నిలుస్తుందని చెప్పడంలో ఎలాంటి సందేహం లేదు.
ఇదంతా పక్కన పెడితే ఈ సినిమాని మన తెలుగు ఆడియన్స్ కూడా నెట్ ఫ్లిక్స్ లో ఒక రేంజ్ లో చూశారు. ఈమధ్య కాలం లో తెలుగు సినిమాకు కూడా ఈ రేంజ్ వ్యూస్ రాలేదంటే అతిశయోక్తి కాదేమో. దీంతో రెండవ భాగం పై అంచానాలు మన తెలుగు ఆడియన్స్ లో తారా స్థాయిలో ఉన్నాయి. ఒక్కమాటలో చెప్పాలంటే హిందీ ఆడియన్స్ కంటే మనోళ్లే ఈ సినిమా కోసం ఎక్కువగా ఎదురు చూస్తున్నారు అనుకోవచ్చు. ఆ రేంజ్ క్రేజ్ ఉంది ఈ చిత్రానికి. అయితే రీసెంట్ గా విడుదల చేసిన ‘ధురంధర్ 2′(Dhurandhar 2 Movie) టీజర్ కి తెలుగు ఆడియన్స్ నుండి మిశ్రమ స్పందన లభించింది. కారణం, ‘ధురంధర్’ క్లైమాక్స్ లో రెండవ భాగానికి సంబంధించిన క్లిఫ్ హ్యాంగర్ షాట్స్ ఏవైతే చూపించారో, అవే ఈ టీజర్ లో కూడా చూపించారు. ఒక్క కొత్త సన్నివేశాన్ని కూడా చూపించలేదు.
అప్పటి నుండి ఆడియన్స్ లో ఈ చిత్రం పై ఒక అనుమానం ఏర్పడింది. అసలు ఈ సినిమా మార్చి 19 న విడుదల అవుతుందా లేదా?, ఒకవేళ నిజంగా విడుదల ఉంటే, ఎందుకు టీజర్ లో కొత్త షాట్స్ ఒక్కటి కూడా చూపించలేదు?, అంటే షూటింగ్ ఆమేరకు జరగలేదా?, ఇంకా చాలా భాగం వరకు షూటింగ్ మిగిలిపోయిందా?, కేవలం మార్చి 19 న డేట్ రిజర్వ్ చేయడానికే మొన్న సరికొత్త టీజర్ ని విడుదల తేదీతో ప్రకటించారా?, ఇలా ఎన్నో రకాల సందేహాలు ఉన్నాయి. మరో పక్క ఈ సినిమా విడుదలైన రోజున, KGF హీరో యాష్ నటించిన ‘టాక్సిక్’ కూడా విడుదల కాబోతుంది. ఇది కూడా వాయిదా పడే అవకాశాలు ఉన్నాయని అంటున్నారు. ఒకవేళ ఈ రెండు సినిమాలు వాయిదా పడితే, మార్చి 26 న విడుదల అవ్వాల్సిన ఉస్తాద్ భగత్ సింగ్ చిత్రం మార్చి 19 న విడుదల అవుతుందని అంటున్నారు ట్రేడ్ విశ్లేషకులు.
