Bigg Boss 8 Telugu: మైండ్ బ్లోయింగ్ న్యూస్… బిగ్ బాస్ తెలుగు 8 షెడ్యూల్ ఇదే, లాంచింగ్ ఎపిసోడ్ ఎప్పుడంటే?

Bigg Boss 8 Telugu: బిగ్ బాస్ 8 కోసం ఆడియన్స్ ఆతృతగా ఎదురు చూస్తున్నారు. సెప్టెంబర్ లో లేటెస్ట్ సీజన్ అంటూ ప్రచారం జరుగుతుంది. తాజా సమాచారం ప్రకారం అంతకంటే ముందే నిర్వాహకులు ప్లాన్ చేస్తున్నారు. ఆ విశేషాలు ఏమిటో చూద్దాం. బిగ్ బాస్ తెలుగు సక్సెస్ఫుల్ గా 7 సీజన్స్ పూర్తి చేసుకుంది. 2017లో ప్రయోగాత్మకంగా బిగ్ బాస్ తెలుగులో ప్రసారం అయ్యింది. ఎన్టీఆర్ హోస్టింగ్ చేశారు. మొదట్లో ఆడియన్స్ కొంచెం కన్ఫ్యూజ్ అయ్యారు. మెల్లగా అలవాటు పడ్డారు. అందులోని మజా ఆస్వాదించారు. సినిమాలతో బిజీగా మారిన ఎన్టీఆర్ తప్పుకున్నారు. సెకండ్ సీజన్ కి నాని రంగంలోకి దిగాడు.

ఆయన హోస్టింగ్ మీద విమర్శలు వచ్చాయి. ఈ క్రమంలో బిగ్ బాస్ సీజన్ 3 హోస్ట్ గా నాగార్జున రంగంలోకి దిగాడు. ఎవరు మీలో కోటీశ్వరుడు షోకి హోస్టింగ్ చేసిన ఉన్న నాగార్జున సూపర్ సక్సెస్ అయ్యారు. వరుసగా ఐదు సీజన్స్ కి ఆయన హోస్ట్ గా వ్యవహరించారు. ఒక్క సీజన్ 6 మాత్రమే ఫెయిల్ అయ్యింది. గత ఏడాది ప్రసారమైన సీజన్ 7 గ్రాండ్ సక్సెస్. భారీ టీఆర్పీ ఈ సీజన్ రాబట్టింది. సామాన్యుడు పల్లవి ప్రశాంత్ విన్నర్ అయ్యాడు.

కాగా సీజన్ 8 కి మేకర్స్ ఏర్పాట్లు మొదలెట్టారట. ఇప్పటికే కంటెస్టెంట్స్ ఎంపిక దాదాపు పూర్తి కావచ్చిందని సమాచారం. బర్రెలక్క, సురేఖావాణి లేదా ఆమె కూతురు, నటి హేమ, రీతూ చౌదరి, బుల్లెట్ భాస్కర్, కిరాక్ ఆర్పీ, అమృత ప్రణయ్, కుమారీ ఆంటీ కంటెస్టెంట్స్ లిస్ట్ లో ఉన్నారనే ఊహాగానాలు వినిపిస్తున్నాయి. కాగా సెప్టెంబర్ మొదటివారం లేదా చివరి వారం బిగ్ బాస్ సీజన్ 8 ప్రారంభం అవుతుందని ప్రచారం జరిగింది.

మేకర్స్ అంత కంటే ముందే బిగ్ బాస్ 8 లాంచింగ్ ఎపిసోడ్ కి ప్లాన్ చేస్తున్నారట. ఆగస్టు 4 లేదా 11న లాంచింగ్ ఎపిసోడ్ ఉంటుందట. జులై నెలలో ప్రోమోలు వస్తాయట. మరోసారి కింగ్ నాగార్జున హోస్టింగ్ బాధత్యలు తీసుకోనున్నాడని సమాచారం. ఇది బిగ్ బాస్ లవర్స్ కి పండగ లాంటి న్యూస్ అనడంలో ఎలాంటి సందేహం లేదు. మరి ఇంకెందుకు నాన్ స్టాప్ ఎంటర్టైన్మెంట్ కోసం సిద్ధంగా ఉండండి.