Bigg Boss Telugu 8 : ఈ సీజన్ బిగ్ బాస్ హౌస్ లో కంటెస్టెంట్స్ అందరికి 50 లక్షల ప్రైజ్ మనీ ని ఇవ్వొచ్చు. ఎందుకంటే మణికంఠ లాంటి దారుణమైన కంటెస్టెంట్ ని భరించేందుకు చాలా ఓపిక, సహనం ఉండాలి. బహుశా బిగ్ బాస్ హిస్టరీ లోనే కాదు, బయట కూడా ఇలాంటి మనుషులని మనం ఎక్కడా చూసి ఉండమేమో. మనుషుల ఎమోషన్స్ ని ట్రిగ్గర్ చేయడం, ఆ తర్వాత వాళ్ళతో పెద్ద గొడవ పెట్టుకోవడం, జనాలకు హౌస్ మొత్తం తనని టార్గెట్ చేస్తున్నట్టుగా చూపించుకోవడం, తద్వారా ఓట్లు సంపాదించడం. ఇలాంటి కంటెస్టెంట్ ని కూడా నమ్మి ఓట్లు వేసే జనాలను చూస్తుంటే మన దేశం లో అవినీతి రాజకీయ నాయకులూ అంతలా ఉండడం లో తప్పే లేదు అనిపిస్తుంది. మొదటి నుండి మణికంఠ ఇలా ఎమోషన్స్ తో ఆదుకోవడమే పనిగా పెట్టుకున్నాడు.
ఇదంతా పక్కన పెడితే 5 వారాలు మనం చూసిన మణికంఠ వేరు, ఈ వారం మనం చూస్తున్న మణికంఠ వేరు. వైల్డ్ కార్డు కంటెస్టెంట్స్ లోపలకు వచ్చి, నీకు సానుభూతి జనాల్లో బాగా పెరిగింది, ఓటింగ్ లో టాప్ లో ఉన్నావు అని ఆయనకీ చెప్పగానే, కొమ్ములు వచ్చేసాయి. ప్రతీసారి సొంత క్లాన్ సభ్యులతో గొడవలు పెట్టుకొని సానుభూతి పొందడం ఇతనికి వెన్నతో పెట్టిన విద్య. ఈ వారం కూడా అదే చేస్తున్నాడు. నిఖిల్ అందరిని పిలిచి ఎలా మాట్లాడాలో చెప్తుంటే, నువ్వేమైనా మా క్లాన్ లీడర్ వా?, నీ మాట నేనెందుకు వినాలి అంటూ యాటిట్యూడ్ చూపించాడు. అలాగే పృథ్వీ తో అనవసరం గా రాత్రి సమయం లో గొడవపడ్డాడు. కాసేపటి క్రితమే విడుదలైన రెండవ ప్రోమో లో పృథ్వీ చాలా మర్యాదగా మణికంఠ తో తనకి ఏర్పడిన సమస్య గురించి మాట్లాడేందుకు వచ్చాడు. మణికంఠ గొంతు పెంచుతూ మాట్లాడడం మొదలు పెట్టాడు. గొంతు లేపాను నా మీద అని పృథ్వీ చెప్పగానే, నువ్వు ఎవడ్రా నాకు మర్యాదగా మాట్లాడమని చెప్పడానికి, నువ్వేమైనా డాన్ అనుకుంటున్నావా అంటూ అతనిపై రెచ్చిపోయాడు. సమస్య ఏమిటంటే ఇతని కన్నింగ్ గేమ్ ని అర్థం చేసుకొని హౌస్ మేట్స్ ఇతనికి కంటెంట్ ఇచ్చే స్కోప్ ని గత రెండు వారాలుగా తగ్గించేశారు.
ఇప్పుడు మనోడికి కంటెంట్ కావాలి, ఎంత ప్రయత్నం చేసిన హౌస్ మేట్స్ ఇతనికి కంటెంట్ రప్పించడం లేదు, రెచ్చగొడితే రెచ్చిపోయే మనస్తత్వం ఉన్న పృథ్వీ ని రెచ్చగొట్టాడు. కావాల్సిన కంటెంట్ వచ్చింది, రాయల్ క్లాన్ మొత్తం చూడండి పాపం మణికంఠ మీద ఎలా మీద పడిపోతున్నారో అని అనుకునేలా చేయడంలో సక్సెస్ అయ్యాడు. వాస్తవానికి అక్కడ జరిగిన విషయం రాయల్ క్లాన్ వాళ్ళు చూడలేదు. వాళ్ళ బుర్రలో ఇలా ఎక్కించేసాడు ఈ డేంజరస్ కంటెస్టెంట్ మణికంఠ. ఇదంతా చూసి కూడా ఇతన్ని సపోర్ట్ చేసే వాళ్ళు ఉంటారు, కానీ ఈ సపోర్ట్ తో, ఇలాంటి చిల్లర ఆటలతో టాప్ 5 వరకు రావొచ్చేమో కానీ, టైటిల్ మాత్రం కొట్టలేడు. ఇతని నీచమైన కన్నింగ్ ఆటని నాగార్జున ఈ వీకెండ్ ఎపిసోడ్ లో పసిగట్టి ఆపుతాడా లేదా అనేది చూడాలి.
Vishnuteja is a Writer Contributes Movie News. He has rich experience in picking up the latest trends in movie category and has good analytical power in explaining the topics on latest issues. He also write articles on Movie news.
Read MoreWeb Title: Bigg boss telugu 8 day 46 promo 2 clash between a team of smart chargers
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com