Bigg Boss 8 Telugu: లేటెస్ట్ ఓటింగ్ లో షాకింగ్ రిజల్ట్స్, డేంజర్ జోన్లో టైటిల్ ఫేవరేట్!

Bigg Boss 8 Telugu: బిగ్ బాస్ తెలుగు సీజన్ 8 చివరి దశకు చేరుకుంది. మరో నాలుగు వారాల్లో షో ముగియనుంది. 14 మందితో సీజన్ 8 స్టార్ట్ అయ్యింది. ఐదు వారాల అనంతరం మరో 8 మంది వైల్డ్ కార్డ్ ఎంట్రీ ఇచ్చారు. వీరందరూ మాజీ కంటెస్టెంట్స్ కావడం విశేషం. సీజన్ 1, 3, 4,7 లలో పాల్గొన్న కంటెస్టెంట్స్ మరోసారి అవకాశం దక్కించుకున్నారు. గత వారం గంగవ్వ అనారోగ్య కారణాలతో హౌస్ నుండి వెళ్ళిపోయింది. ఆమె సెల్ఫ్ ఎలిమినేట్ అయ్యింది.

ఇక అందరి కంటే తక్కువ ఓట్లు తెచ్చుకున్న హరితేజ ఎలిమినేట్ అయ్యింది. హరితేజ వైల్డ్ కార్డ్ అన్న విషయం తెలిసిందే. ఆమె సీజన్ 1 ఫైనలిస్ట్ కావడం విశేషం. మూడో స్థానంలో ఆమె నిలిచారు. ఈసారి ఆమె అంతగా రాణించలేదు. హరితేజ ఎలిమినేషన్ అనంతరం హౌస్లో 10 మంది కంటెస్టెంట్స్ ఉన్నారు. 11వ వారానికి సోమవారం నామినేషన్స్ ప్రక్రియ ముగిసింది. యష్మి, గౌతమ్, విష్ణుప్రియ, పృథ్వి, అవినాష్, టేస్టీ తేజ నామినేట్ అయ్యారు.

సోమవారం రాత్రి నుండే ఓటింగ్ లైన్స్ ఓపెన్ అయ్యాయి. కాగా లేటెస్ట్ ఓటింగ్ లో అనూహ్య ఫలితాలు నమోదు అయ్యాయి. టైటిల్ ఫేవరేట్ డేంజర్ జోన్లో ఉన్నారట. తాజా సమాచారం ప్రకారం గౌతమ్ అందరి కంటే టాప్ లో ఉన్నాడట. అతడికి దాదాపు 25 శాతం ఓటింగ్ నమోదు అయ్యిందట. గౌతమ్ గతంలో ఓటింగ్ లో పెద్దగా సత్తా చాటిన దాఖలాలు లేవు. ఈసారి అతడికి అత్యధికంగా ఓట్లు పోల్ అవుతున్నాయట.

గౌతమ్ అనంతరం రెండో స్థానంలో యష్మి ఉందట. ఆమెకు 21 శాతం ఓట్లు పోల్ అయ్యాయట. ఇక మూడో స్థానంలో పృథ్వి ఉన్నాడట. అతడికి 15 శాతం ఓట్లు పోల్ అయ్యాయని సమాచారం. 14 శాతం ఓట్లతో టేస్టీ తేజ నాలుగో స్థానంలో ఉన్నాడట. విష్ణుప్రియ, అవినాష్ లు 13 శాతం ఓటింగ్ తో చివరి రెండు స్థానాల్లో ఉన్నారట.

విష్ణుప్రియ టైటిల్ ఫేవరేట్ గా బరిలో దిగింది. ఆమె టాప్ సెలబ్రిటీ. ఆమె ఓటింగ్ లో వెనుకబడటం అనూహ్య పరిణామం. విష్ణుప్రియ గేమ్ పరంగా సత్తా చాటటం లేదు. పృథ్విరాజ్ కోసం హౌస్లో ఉన్నట్లు ఆమె తీరుంది. దాంతో ప్రేక్షకులు మెచ్చడం లేదు. అవినాష్ సైతం స్ట్రాంగ్ ప్లేయర్. కాకపోతే వైల్డ్ కార్డు ఎంట్రీ ఇచ్చాడు. ఇద్దరు స్ట్రాంగ్ కంటెస్టెంట్స్ డేంజర్ జోన్లోకి రావడం చర్చకు దారి తీసింది.