బన్నీ – విజయ్ కలిసి డాన్స్ చేయాలట !

అల్లు అర్జున్ అంటేనే క్రేజ్. ముఖ్యంగా బన్నీ స్టైల్ కు డాన్స్ కు ఫిదా కానీ వారు ఎవరూ ఉండరు. ఇదే విషయాన్నీ చెప్పకొచ్చాడు టీమిండియా క్రికెటర్ రవిచంద్రన్ అశ్విన్. పైగా అశ్విన్ ఓ ఇంట్రస్టింగ్ కాంబినేషన్ ను కూడా కలిపేశాడు. అశ్విన్ సోషల్ మీడియాలో స్పందిస్తూ తనకు దళపతి విజయ్ నటన అన్న డ్యాన్స్ అన్న కూడా బాగా ఇష్టమని… అలాగే అల్లు అర్జున్ కూడా తన ఫేవరేట్ హీరో అని.. అందుకే తన అభిమాన హీరోలిద్దరు కలిసి నటిస్తే తనకు చూడాలనే కోరిక తనకు ఉందని రాసుకొచ్చాడు అశ్విన్.

కాగా ఇప్పుడు ఈ పోస్ట్ ఇద్దరు హీరోల అభిమానులను బాగా అలరిస్తోంది. అశ్విన్ ఇంతకీ తన ఇంస్టాగ్రామ్ లో కరెక్ట్ గా ఏమి పోస్ట్ చేశాడు అంటే.. ‘దళపతి విజయ్ అల్లు అర్జున్ కలిసి ఒకేసారి ఒకే తెరమీద డాన్స్ చేస్తే ఆ పెర్ఫార్మన్స్ ఓ రేంజిలో ఉంటుంది’ అంటూ పోస్ట్ చేశాడు. విజయ్ ఫ్యాన్స్ , బన్నీ ఫ్యాన్స్ ఈ పోస్ట్ ను తెగ షేర్ చేస్తున్నారు. ఇక ప్రస్తుతం అల్లు అర్జున్ సుకుమార్ తెరక్కేక్కిస్తున్న పుష్ప సినిమా తో బిజీగా ఉన్నాడు.

అలాగే అటు తమిళ స్టార్ విజయ్ కూడా ఇటీవలే మాస్టర్ సినిమాతో హిట్ అందుకోలేక.. ఫ్యాన్స్ ను నిరాశ పరిచాడు. టీమిండియా క్రికెటర్ గా ఎన్నో మ్యాచ్ ల్లో మ్యాచ్ విన్నర్ గా నిలిచిన రవిచంద్రన్ అశ్విన్ కి మొదటి నుండి సినిమాలు అంటే బాగా ఇంట్రస్ట్ అట. ఆ మధ్య ఇచ్చిన ఇంటర్వ్యూలో తనకు సినిమాల్లో నటించే ఆసక్తి కూడా ఉందని చెప్పుకొచ్చాడు. మరి భవిష్యత్తులో అశ్విన్ లో నటుడ్ని చూస్తామేమో చూడాలి.